Бомбаланаётган Ғазо: 399-куннинг асосий воқеалари

Исроил Ғазо секторида босқинчилик ва қирғинбарот урушини бошлаганига 399 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Рафаҳ, Байт-Лахия, Жабалия, Нусейрат ва Шати лагерларига ҳужум қилди. Сўнгги 24 соат ичида 50 киши ҳалок бўлди, улардан 42 нафари Ғазо шимолида.

▪️Босқинчилар Шати лагеридаги кўчирилганлар билан мактабда қирғин қилишди. 12 киши ҳалок бўлди, 30 дан ортиқ киши жароҳатланди.

▪️Ғарбий Соҳилда босқинчилар Наблусдаги Балат лагерини қамал қилишди. Ўнлаб фаластинликлар ҳибсга олинган.

▪️Хусийлар Ал-Жавф ҳудудида Американинг навбатдаги MQ-9 Reaper учувчисиз учоқларини уриб туширди.

▪️ «Ҳизбуллоҳ» Исроилга қарши 21 та операцияни амалга оширди. Ҳайфадаги Рамим ва Йифтаҳ казармалари, Элиаким ва Марис базаларига, Ҳармон, Лиман ва Марун ар-Расда аскарлар ҳужумга учраган. Бу соатларда дронлар Ҳайфа ва Кесария устидан учиб ўтади.

▪️Ливан Соғлиқни сақлаш вазирлиги: Сўнгги 24 соат ичида Исроилнинг Ливан бўйлаб бомбардимон қилишлари натижасида 53 киши ҳалок бўлди ва 161 киши яраланди.

▪️ Тел-Авивнинг «Маккаби» ва Амстердамнинг «Аякс» футбол клублари учрашуви бўлиб ўтган Голландия пойтахтида ўнлаб исроиллик футбол мухлислари жароҳат олди. Ҳужумлар сабаби: ўйин олдидан босқинчилар маҳаллий аҳолининг уйларидан Фаластин байроқларини йиртиб ташлашди.

▪️Исроилнинг Саида шаҳрига берган ҳаво ҳужуми натижасида ЮНИФИЛнинг олти нафар малайзиялик тинчликпарвар аскари яраланди.