-
Президент Шавкат Мирзиёев Дарбанд ва Маҳачқалъа шаҳарларида содир этилган қуролли ҳужум оқибатида кўплаб ҳуқуқни муҳофаза қилиш идоралари ходимлари ва фуқаролар қурбон бўлгани муносабати билан Россия президенти Владимир Путинга мактуб йўллаб, чуқур ҳамдардлик билдирди. Сўнгги маълумотларга кўра, қуролли ҳужум оқибатида 15 нафар полициячи ҳамда икки фуқаро ҳалок бўлган. Ушбу қуролли ҳужум ортидан Доғистонда уч кунлик мотам эълон қилинди.
-
Ишғолчиларнинг марказий статистика бюроси ҳисоботига кўра, Мисрнинг Исроилга экспорти ўтган йилга нисбатан икки бараварга ошган. Жумладан, май ойида Мисрнинг Исроилга етказиб берган маҳсулотлари қиймати 25 млн долларни ташкил этган. Фаластинликларнинг қирғини давом этаётганига қарамай, БАА ва Иорданиядан ҳам Исроилга экспорт ҳажми ошиб, савдо қиймати мос равишда 242 млн доллар ва 35,7 млн долларга етган.
-
Доғистоннинг Сергокалинский тумани раҳбари Магомед Умаров қўлга олинди. Умаровнинг икки ўғли – Одил ва Усмон Махачқалъа ва Дербентдаги черков ва синагогага уюштирилган ҳужумларда қатнашгани, иккаласи ҳам отиб ўлдирилгани айтилмоқда. Айни пайтда Доғистонда терроризмга қарши операция режими жорий этилган: Махачқалъа ва Дербентга кириш-чиқиш йўллари тўсиб қўйилган, полиция машиналарни текширмоқда.
-
23 июнь куни кечқурун Доғистоннинг Махачқалъа ва Дербент шаҳарларида номаълум шахслар синагога ва черковга ҳужум қилди. Доғистон ИИВ қора кийимдаги қуролли шахслар Махачқалъадаги полиция постини ҳам ўққа тутганини билдирди. Ижтимоий тармоқларда тарқалган видеоларда уларнинг полиция машиналарига қарата автоматдан ўқ узаётганини кўриш мумкин. Ҳужумчилар билан отишмада олти полициячи ҳалок бўлган, яна 12 киши яралангани айтилмоқда. Шунингдек, камида иккита жангчи отиб ўлдирилган.
-
Юнон оролларидан бирига дам олгани борган 17 нафар қозоғистонлик сайёҳ тасодифан ўрмонга ўт қўйиб юборишди. Дам олувчиларнинг ижарага олган яхтасидан қирғоқ бўйлаб отган мушаклари сабаб қарағайзор оловланган. Ёнғинни ўчиришга 3 та ўт ўчириш машинаси ва вертолёт жалб қилинган. Айни пайтда полиция ҳодиса учун жавобгар 13 кишини қўлга олгани айтилмоқда.
-
Москва ва Анқара муносабатлари яна янги инқироз ёқасида турибди: бунинг белгиси сифатида Россия етакчиси Владимир Путиннинг Туркияга ва шахсан президент Ражаб Тоййиб Эрдўғон "манзили"га қарата айтган аччиқ гапларини келтириш мумкин. Июнь ойида Путин Санкт-Петербург халқаро иқтисодий форуми доирасида Анқарани Киевга ҳарбий ёрдам бергани учун қоралади ва Эрдўғон бошчилигидаги ҳукумат Ғарб молия институтлари билан кўпроқ "ош-қатиқ" бўлаётганидан норозилигини ифодалади.
-
Муҳожирларнинг Москвани тарк этиши туфайли Россия пойтахтидаги масжидларда маҳаллий аҳолининг улуши ортиб бормоқда. Москва мэри Сергей Собяниннинг маълум қилишича, бир неча йил ичида пойтахтда 30 га яқин ибодат марказлари очилган. Миграция сиёсатининг қаттиқлашишига қарамай, намозхоналарга ташриф буюрувчиларнинг умумий сони сезиларли даражада ўзгармаган.
-
Исроил Ғазо секторида босқинчилик ва қирғинбарот урушини бошлаганига 260 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Нигер ҳукумати Франциянинг Orano компаниясига дунёнинг энг йирик уран конларидан бирига айланиши кутилаётган "Имурарен" конини ўзлаштириш учун берилган рухсатномани тайёргарлик ишлари бошланганидан бир ҳафта ўтар-ўтмас бекор қилди.
-
Россия, Хитой, Бразилия, Ҳиндистон, Жанубий Африка, Эфиопия, Миср, Эрон ва БААни ўз ичига олган БРИКС блоки ўзининг тўлов тизимини яратиб, октябрь ойида амалда жорий этишни режалаштирмоқда. Янги тўлов тизими БРИКС давлатлари раҳбарларининг бўлажак саммитида тақдим этилади – йиғилиш 22-24 октябрь кунлари Қозон шаҳрида бўлиб ўтиши кутилмоқда.