23.06.2024 11:24
Қозоғистонлик сайёҳлар Грециядаги ўрмонни ёқиб юборишди
Юнон оролларидан бирига дам олгани борган 17 нафар қозоғистонлик сайёҳ тасодифан ўрмонга ўт қўйиб юборишди. Бу ҳақда маҳаллий нашрлар хабар берди.
Қайд этилишича, 21 июнь куни кечқурун дам олувчилар ижарага олган яхтасидан қирғоқ бўйлаб салют ота бошлаган. Бунинг оқибатида қарағай ўрмонида ёнғин чиққан.
"Улар нима қилиб қўйганини англаб етгач, ёнғинни ўчиришга ҳаракат қилган ва уддалай олмагач ўт ўчириш хизматига қўнғироқ қилиб, жуфтакни ростлашган", деган орол мэри Георгиос Коукоудакис.
Ёнғинни ўчиришга 3 та ўт ўчириш машинаси ва вертолёт жалб қилинган. Айни пайтда полиция ҳодиса учун жавобгар 13 кишини қўлга олган. Уларга нисбатан қандай айблов қўйилаётгани очиқланмаган.
