2023 йилда дунёнинг 16 мамлакатида 1153 та ўлим жазоси ижро этилди. Қатл этилганларнинг 24 нафари аёллар, 5 нафари болалардир. Ўлим жазоларининг энг кўпи Эронда амалга оширилган бўлиб, асосан сунний балужлар қатл қилинган.

АҚШ президенти Жо Байден Исроил уч босқичли янги сулҳ таклифини илгари сургани ва бу таклиф Қатар орқали ҲАМАСга етказилганини маълум қилди. Ушбу таклиф ўт очишни тўлиқ тўхтатиш ва Ғазода тиклаш ишларини бошланишини ҳам ўз ичига олади

Россия Давлат Думаси вице-спикери Пётр Толстойнинг Олмаота шаҳрини “Россия замини” деб атаганига Қозоғистон томони жавоб қайтарди. “Биз Қозоғистон-Россия дўстлигининг бундай масъулиятсиз баёнотлар туфайли издан чиқишини истамаймиз”, — деди депутат Абенов.

Спортчилар, таниқли шахслар ва таъсир ўтказувчилар бутун дунё бўйлаб 30 миллиондан ортиқ одамларга қўшилиб, Ғазодаги Исроил қирғинига ва оммавий ахборот воситаларининг Исроилга нисбатан ҳар қандай танқидини цензура қилишига норозилик билдириш учун сунъий зако томонидан яратилган тасвирни Instagram ижтимоий тармоғида улашди.

Исроил Ғазо секторида босқинчилик ва қирғинбарот урушини бошлаганига 238 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

2024 йил 1 январь ҳолатига кўра, Ўзбекистоннинг давлат қарзи бир йил давомида 5,7 млрд долларга ўсиб (режа қилинган 2,9 млрд доллар ўрнига), 34,9 млрд долларга етди. Олти йил ичида қарз 3 баравар ошди. Ўтган йили давлат қарзига хизмат кўрсатиш харажатлари кескин ортди.

Ҳакамлар ҳайъати АҚШнинг собиқ президенти Доналд Трампни тўловларни сохталаштириш бўйича 34 та бандда айбдор деб топди. У тўрт йилгача қамоқ жазосига ҳукм қилиниши мумкин. Трамп АҚШнинг жиноятда айбланган илк собиқ президенти бўлди.

АҚШнинг антисемитизм бўйича махсус вакили Alphabet, Meta, Microsoft, TikTok ва Х вакиллари билан учрашиб, уларни ўз платформаларида антисемит мазмунини чеклаш бўйича саъй-ҳаракатларни кучайтиришга чақирди. Шунингдек, ҳар бир компаниядан яҳудийларга қарши контентни жиловлаш учун асосий ходимларни ўқитишни сўради. Айтилишича, компаниялар ҳозирча АҚШ ҳукумати талабларига рози бўлмаган.

Ўзбекистонда Ислом дунёси таълим, фан ва маданият ташкилоти (ICESCO) минтақавий ваколатхонаси очилиши мумкин. Қўлёзмаларни сақлаш ва реставрация қилиш бўйича тажриба алмашиш, араб тили ўқитувчиларини тайёрлаш ҳам кўзда тутилган. Президент ташкилот бош директори билан шу масалаларни муҳокама қилди.

Словения ҳукумати Фаластин давлатини тан олиш тўғрисидаги қарорни қабул қилди. Эндиликда ушбу қарор якуний тасдиқлаш учун парламентга тақдим этилади. Словения ташқи ишлар вазири Таня Фажон парламент Фаластинни тан олиш бўйича 4 июнь куни овоз бериши мумкинлигини маълум қилди.