Turkiya prezidentining fikricha, Gʻarbning cheksiz koʻmagiga tayanib, Eronga hujum qilayotgan, Gʻazoni vayron etayotgan va mintaqadagi barcha davlatlarni mensimaydigan isroil oʻz qilmishlarining oqibatlarini oʻylamayapti. Ehtimol, kelajakda u oʻz xatosini tushunib etar, ammo juda kech boʻlishi mumkin.

Joriy yilning sentyabrь oyida Ozarbayjonning Boku shahrida “Cheksiz birodarlik – IV” nomli koʻp millatli harbiy mashgʻulotlar oʻtkaziladi. Unda Ozarbayjon, Turkiya, Oʻzbekiston, Qozogʻiston va Pokistonning maxsus kuchlari ishtirok etadi. Mashgʻulotlar ishtirokchi davlatlarning qoʻshma operativ salohiyatini oshirishga hamda mintaqaviy xavfsizlikni mustahkamlashga qaratilgan.

Turkiya prezidenti Rajab Toyyib Erdoʻgʻon yangi konstitutsiya tayyorlash uchun 10 nafar huquqshunosdan iborat jamoa ish boshlaganini bildirdi. U "yangi konstitutsiya – shaxsiy manfaadorlik emas, balki milliy masala ekani"ga urgʻu bergan.

Anqara Bilim Universiteti tarkibida Turkiyada ilk bor Islomofobiyaga qarshi kurashish boʻyicha ilmiy markaz va tadqiqot instituti (CENTERCIF) ochildi.

Turkiya Milliy razvedka tashkiloti (MİT) Xitoy razvedkasi bilan aloqadorlikda ayblanayotgan 7 kishilik josuslik tarmogʻini fosh qildi. Tezkor operatsiya natijasida ularning davlat xizmatchilariga tegishli telefon qoʻngʻiroqlari, SMS xabarlarini kuzatgani hamda uygʻur jamoasi vakillarining joylashuvini aniqlash maqsadida soxta signal uzatuvchi stantsiyalardan foydalangani aniqlangan.

Turkiyada “MazlumDer” – “Inson huquqlari va mazlumlar uchun birdamlik” uyushmasining matbuot anjumani boʻlib oʻtdi. Unda huquq faollari va jamoat faollari ishtirok etdi.

Tehronda Xitoy, Eron, Turkiya, Qozogʻiston, Turkmaniston va Oʻzbekiston vakillari temir yoʻl orqali yuk tashish tariflarini muvofiqlashtirish boʻyicha kelishuvga erishdi. Ushbu kelishuv Xitoydan Evropagacha boʻlgan yuk oqimini Markaziy Osiyo va Yaqin Sharq orqali oshirishga qaratilgan transport koridorini takomillashtirishga xizmat qiladi.

Turkiyada bugungi kunga qadar 255 mingdan ortiq Qurъon hofizlari diplom olgan. Rasman hujjat olmaganlar bilan hisoblansa bu raqam yarim millionga yaqinlashishi mumkin.

Hindiston–Pokiston mojarosi davom etarkan, mamlakat bosh vaziri Modiga yaqin boʻlgan nafaqadagi general Gagandep Bakshi Turkiyaga qaratilgan bayonotlar bilan chiqdi. YouTube’dagi New India Junction kanali orqali Turkiyaga ochiq tahdid qilgan Bakshi Hindiston oʻzining yadroviy qudrati bilan zarurat tugʻilsa Turkiyani parchalab yuborishi mumkinligini taъkidlagan.

Ijtimoiy tarmoqlarda Shavkat Mirziyovga murojaati bilan mashhur boʻlgan Toshkentdagi "Omina" jome masjidining sobiq imom-xatibi Fazliddin Parpievning Istanbulda qoʻlga olingani haqidagi xabarlar tarqaldi. Mazkur xabarlarga aniqlik kiritish uchun "Azon Global" jamoasi Parpievning yaqinlari bilan bogʻlandi.