Sudandagi mojaro muhim pallaga keldi. Oʻttiz toʻqqiz oylik fuqarolik urushidan soʻng Sudan qurolli kuchlari (SAF) juma kuni ertalab Xartum markazidagi prezident saroyini qayta qoʻlga kiritib, urush boshidan beri hududni nazorat qilib kelayotgan isyonchi yarim harbiy guruh – Tezkor qoʻllab-quvvatlash kuchlari (RSF)ga jiddiy va hal qiluvchi zarba berdi.

2010 yillarda Suriya va Livandagi mojarolar haqidagi xabarlar vaqti-vaqti bilan gazetalarda paydo boʻldi, ammo Yamandagi inqiroz unutib qoʻyildi. Afsuski, bu yil Gʻazo, Ukraina va Livandagi mojarolar tufayli Sudan eʻʻtibor roʻyxatidan pastga tushib ketdi. Kelgusi yilda butun dunyodagi hukumatlar va axborot agentliklari Sudandagi voqealarga eʻʻtibor qaratishlari va sudanliklarning hikoyalariga munosib eʻʻtibor berishning yangi usullarini oʻylashlari kerak. Britaniya Islomiy yordam tashkiloti direktori Tufail Husayn maqolasidan.

Sudan hukumati Tezkor harakat kuchlarining (RSF) poytaxt Xartum gʻarbidagi Omdurmanda masjidga uyushtirgan artilleriya hujumida kamida besh nafar tinch aholi halok boʻlganini maʻʻlum qildi. Shuningdek, masjid imomi va bir qancha bolalar jarohatlangan.

Sudanda vabo epidemiyasi oqibatida vafot etganlar soni 852 nafarga etdi. 3,4 million sudanlik bola xavf ostida. Shuningdek, mamlakatdagi fuqarolik urushi sababli 11 milliondan ortiq kishi qochqinga aylangan.

Sudanda Tezkor qoʻllab-quvvatlash kuchlari (RSF) Shimoliy Darfurning Malha hududida Sudan armiyasi tomonidan bombardimonchi sifatida foydalanilayotgan samolyot urib tushirilganini maʻʻlum qildi. Biroq qoldiqlar Il-76 samolyotiga tegishli boʻlib, ekipaj aʻʻzolaridan biri BAAda joylashgan Qirgʻizistonga aloqador Airline Transport Incorporation FZC kompaniyasi guvohnomasi boʻlgan.

Sudan Tezkor Harakat Kuchlari rahbari Muhammad Hamdan Dagalo Misrni mamlakatdagi qurolli mojarolarga aralashayotgan 6 davlatdan biri ekanini maʻʻlum qildi. Uning fikricha, Misr qurolli kuchlari Xartum janubidagi Jabel Moya hududiga zarbalar bermoqda.

Sudanda 2023 yil aprelidan beri davom etayotgan fuqarolar urushi, shuningdek, vabo epidemiyasi va yirik suv toshqinlari qurbonlari soni ortmoqda. Qurolli toʻqnashuvlarda 20 mingdan ortiq musulmon halok boʻlgan boʻlsa, suv toshqinlaridan 225, vabodan 535 kishi hayotdan koʻz yumdi.

Sudanning turli viloyatlarida tarqalgan vabo kasalligiga chalingan soni 9533, epidemiya qurbonlari soni esa 315 nafarga etdi. Mamlakatda avj olgan qurolli toʻqnashuvlar hamda iyunʻ oyidan buyon davom etayotgan yogʻingarchiliklar va suv toshqinlari sababli yuz minglab musulmonlar qiyin ahvolda qolgan.

Sudanning sakkizta viloyatida tarqalgan vabo kasalligiga chalingan soni 7296, epidemiya qurbonlari soni esa 252 nafarga etdi. Mamlakatda avj olgan qurolli toʻqnashuvlar sogʻliqni saqlash tizimini izdan chiqardi. Iyunʻ oyidan buyon davom etayotgan yogʻingarchiliklar hamda suv toshqinlari esa vaziyatni yanada murakkablashtirmoqda.

Sudan Sogʻliqni saqlash vazirligi Kesele va Gadarif viloyatlarida 128 ta yangi vabo holati qayd etilgani, umumiy kasallanganlar soni 1351 nafarga etgani hamda ularning 56 nafari hayotdan koʻz yumganini maʻʻlum qildi. Mamlakatda davom etayotgan suv toshqinlari qurbonlari soni esa 138 nafarga etdi.