Qirgʻiziston pasportlari boʻyicha maslahatchi Mixail Juxovitskiy joriy yilning 24 yanvaridan keyin topshirilgan arizalar koʻrib chiqilmasligini maъlum qildi. "Qirgʻizistonni unuting. Endi fuqarolik olish imkonsiz. Har qancha pul evaziga ham", degan u.

Qirgʻiziston Milliy bankining maъlum qilishicha, joriy yil boshidan buyon islomiy moliyaga talab qariyb 50 foizga oshgan. Milliy bank mutaxassislarining fikricha, aholi islomiy moliyaviy tashkilotlarning shartlarini anъanaviy banklar va kredit uyushmalariga nisbatan jozibadorroq deb hisoblaydi. Jumladan, 2024 yilda islomiy moliya hajmi 10 milliard somdan oshib, 2023 yilga nisbatan 45 foizga koʻpaygan. 2025 yil yoziga kelib esa bu koʻrsatkich 12,1 milliard somga etgan (oʻsish – 33,6%). Islomiy moliya qoʻllaniladigan barcha sohalarda bu jarayon kuzatilmoqda. Ayniqsa, eng katta oʻsish isteъmol kreditlari segmentida qayd etilgan. Joriy yil boshidan beri fuqarolar islomiy moliyaviy tashkilotlardan turli ehtiyojlari uchun taxminan 2,4 milliard som miqdorida mablagʻ olgan – bu 2024 yil oxiriga nisbatan 49,9%ga koʻp degani.

Bishkekning Pervomaysk tuman sudi sobiq prezident Almazbek Atambaevni qator jinoyatlarni sodir etganlikda aybli deb topib, uni sirtdan 11,5 yil qamoq jazosiga hukm qildi. Atambaev Chuy viloyati Qoʻy-Tosh qishlogʻida er uchastkalarini noqonuniy yoʻl bilan olganlikda, korruptsiyaga yoʻl qoʻyganlikda, shuningdek, 2019 yil da ommaviy tartibsizliklarni uyushtirganlikda aybdor deb topilgan.

Agar sud majlisining audio va video yozuvlari mavjud boʻlmasa, bu sud qarorini oʻzgartirish, qayta koʻrib chiqish yoki bekor qilish uchun asos sifatida koʻriladi.

Dastlabki bosqichda imomlar har oyda 8 ming som (taxminan 91 dollardan ortiq) miqdorda pul oladi. Stipendiyalar mamlakatning barcha hududlaridagi masjidlarda rasman roʻyxatdan oʻtgan imomlarga toʻlanadi. Diniy idora bu ularning xayr-ehson va tashqi yordamga muhtojligini kamaytirishini maъlum qilgan.

Qirgʻizistonning Oʻsh shahrida yangi qonunga rioya qilinishini taъminlash kampaniyasi doirasida politsiya xodimlari tekshiruvlar oʻtkazdi. Qariyb 300 nafar muslima ayol niqobini echishga majburlanib, ularga ogʻzaki ogohlantirish berilgan. Oldinroq, mamlakatda ayollarning niqob bilan yurishini taqiqlovchi qonun qabul qilinib, 1-fevraldan boshlab taqiqni buzganlik uchun 20 ming som (taxminan 230 AQSh dollari) miqdorida jarima belgilangandi.

Oʻzbekiston, Qirgʻiziston va Tojikiston etakchilari uch davlat chegarasini aniqlash boʻyicha muhim shartnomani imzolashga kelishib oldi. 31-mart kuni Xoʻjandda imzolanadigan bu hujjat yillar davom etgan bahslarga barham berib, mintaqaviy hamkorlikni mustahkamlashga xizmat qilishi aytilmoqda

Qirgʻizistonda

Qirgʻiziston prezidenti Sadir Japarov daʻʻvatchilik faoliyatini cheklovchi qonunni qabul qildi. Hujjatga koʻra, uyma-uy yurib dinga targʻib qilish taqiqlandi. Japarov dinga qarshi emasligini taʻʻkidlab, islomga daʻʻvat hech kimga noqulaylik tugʻdirmaydigan holatda, masalan, toʻy-hasham, janoza, bozor va boshqa gavjum joylarda oʻtkazish zarurligini taʻʻkidladi.

Qirgʻiziston Milliy xavfsizlik davlat qoʻmitasi rahbari Qamchibek Tashiev 2025–2026 yillarda mamlakatda korruptsiya toʻliq yoʻqotilishi, buning uchun qattiq qonunlar qabul qilinishini bildirdi. Shuningdek, u huquq-tartibot organlari xodimlarini uydirma ishlar va aybsiz insonlarni taqib qilishdan ogohlantirdi.