АҚШда президент Жо Байденнинг кейинги савловларда қатнашишга муносиб номзод эмаслиги ҳақидаги гап-сўзлар кўпаймоқда. Жумладан, Жанубий Каролинадан сенатор Линдси Грем 81 ёшли давлат раҳбарининг ақлий ва жисмоний ҳолатини текширишга чақирди. Вакиллар палатасининг 25 кишилик демократлар гуруҳи ҳам Байденни президентлик сайлови пойгасидан чиқишга чақирди. АҚШ вице-президенти Камала Харрис демократлардан ишончлироқ номзод бўлиши мумкинлиги айтилмоқда.

AQShda politsiyachi Mʻyanmadagi genotsiddan qochib, okean ortiga boshpana izlab borgan musulmon oilaning 13 yoshli farzandini otib oʻldirdi. Rasmiylar ushbu hodisada politsiyachini oqlab, bolaning qoʻlida oʻyinchoq qurol boʻlganini sabab qilib keltirmoqda. Politsiyachining oʻzi esa bola va uning sherigi Manxetten shimoli-gʻarbidagi doʻkonni umargan talonchilarga juda oʻxshashligini bahona qilgan

Qoʻshma Shtatlar Isroilga urush boshlanganidan beri 6,5 ​​milliard dollarlik harbiy yordam koʻrsatgan. Jumladan, AQSh falastinliklar qirgʻini uchun 10 000 dan ortiq oʻta vayron qiluvchi 907 kg.li bombalar va minglab Hellfire raketalarini yuborgan.

AQSh, Isroil va Ukraina Kievga sakkiztagacha Patriot havo mudofaa tizimini etkazib berish boʻyicha muzokaralar olib bormoqda. Mutaxassislar agar havo hujumidan mudofaa tizimi Kievga topshirilsa, bu mamlakatning mudofaa qobiliyatini sezilarli darajada oshirishini taʻʻkidlashmoqda. Shunga qaramay, juda ehtiyotkor ishgʻolchi hukumat Isroilning Ukrainaga yordam koʻrsatish boʻyicha muzokaralarda ishtirok etishi uning Rossiya bilan munosabatlari yomonlashishiga olib kelishidan qoʻrqyapti.

AQSh prezidenti Jo Bayden amerikaliklar bilan turmush qurgan muhojirlarga fuqarolik berish jarayonini osonlashtiruvchi yangi qoidalarni eʻʻlon qildi. Unga koʻra, ariza berish jarayoni doirasida mamlakatni tark etish talabi bekor qilinadi. Ushbu engillik ortidan kamida 500 ming muhojir AQSh fuqaroligini olishi kutilmoqda.

Oʻtgan hafta AQSh Gʻazoda davom etayotgan genotsid fonida Isroil va arab generallari bilan yashirin uchrashgani maʻʻlum boʻldi. Unda Iordaniya, Misr, Bahrayn, Saudiya Arabistoni, Bahrayn, BAA generallari, shuningdek, AQSh Markaziy qoʻmondonligi (CENTCOM) qoʻmondoni Maykl Kurilla hamda bosqinchi davlat shtab boshligʻi Gertsi Xalevi ishtirok etgan. Arab davlatlari razvedka maʻʻlumotlarini almashish hamda Isroilga qarata otilgan raketa va dronlarni urib tushirish vazifasini olgan.

Bayden maʻʻmuriyati dengiz mahsulotlari, alyuminiy va poyabzal ishlab chiqaruvchi uchta Xitoy kompaniyasi bilan savdo qilishni taqiqladi. AQSh Moliya vazirligi ushbu firmalarni Shinjon-Uygʻur avtonom rayonida yashovchi turkiy aholini majburan ishlatayotganlikda ayblagan.

AQShda sakkiz nafar tojikistonlik IShIDga aloqadorlikda gumonlanib hibsga olindi. Qayd etilishicha, tojikistonliklar bir muncha vaqt davomida Federal qidiruv byurosi (FQB) kuzatuvida boʻlgan va soʻngra hibsga olingan.

Oʻzbekiston TIV AQSh prezidenti Jo Bayden eʻʻlon qilgan Gʻazo sektorida oʻt ochishni toʻxtatish rejasiga munosabat bildirdi. Unda Oʻzbekiston mojarolarni faqat tinch yoʻl va barcha mavjud diplomatik vositalar yordamida hal qilish tarafdori ekani taʻʻkidlangan. “AQShning oʻt ochishni toʻxtatish, garovga olinganlarni ozod qilish va tinch hayotni tiklash boʻyicha tashabbusini olqishlaymiz», — dedi vazirlik vakili.

Columbia Law Review jurnali sayti Isroilni tanqid qiluvchi maqola ortidan oʻchirib qoʻyildi. Harvard yuridik fakulʻteti aspiranti falastinlik Rabea Egbariyaning Isroilni genotsidda ayblab yozilgan maqolasi tufayli AQShdagi 123 yoshli Columbia Law Review jurnali sayti yopib qoʻyildi. Maqola muallifi saytning yopilishini “AQShdagi kollejlar kampuslarida kuzatilayotgan keng koʻlamli avtoritar repressiyaning kichik bir qismi” sifatida koʻrish kerakligini taʻʻkidlagan.