Modi Trampdan nega arazladi?

Hindiston bosh vaziri Narendra Modi soʻnggi haftalarda Donalьd Tramp bilan toʻrt marta telefon orqali suhbatlashishdan bosh tortgan. Bu haqda FAZ (Frankfurter Allgemeine Zeitung) nashri xabar berdi.

Nashr manbalariga koʻra, Modi AQSh prezidentining Hindiston iqtisodiyotini "oʻlik" deb atagani va hind mahsulotlariga qoʻshimcha 25% boj joriy qilganidan norozi. Modi Trampning bu harakatlarini hindlarga nisbatan haqorat sifatida qabul qilgan.

Modining Vashingtonga fevralь oyidagi tashrifidan soʻng ikki tomonlama toʻlaqonli savdo bitimiga erishish boʻyicha muzokaralar boshlangan edi. Bundan maqsad – 2030 yilgacha ikki davlat oʻrtasidagi savdo hajmini $500 milliardga etkazish boʻlgan. Hind delegatsiyasi ushbu kelishuvga erishish uchun bir necha marta Vashingtonga borgan. Bitim kuzda imzolanishi kutilgandi, biroq 25 avgustga belgilangan navbatdagi muzokaralarning oltinchi raundi uchun AQSh delegatsiyasining Hindistonga tashrifi bekor qilindi.