Oʻzbekiston musulmonlari idorasida boʻlib oʻtgan yigʻilishda “belgilangan tartib-qoidalarga rioya qilmagan” 8 nafar imom-xatib, 10 nafar imom noibi ishdan olingani, 4 nafariga hayfsan berilgani maʻʻlum qilindi
34 ta harfdan iborat umumiy turk alifbosi taklifi yuzasidan kelishuvga erishildi. Taklif etilayotgan alifbodagi har bir harf turkiy tillarda uchraydigan turli fonemalarni ifodalaydi.
Qirgʻiziston prezidenti maʻʻmuriyati xorijliklarga qarshi jinoyatlar uchun jazoni kuchaytirishni nazarda tutuvchi qonun loyihasini ishlab chiqdi. Mazkur taklif 17 maydan 18 mayga oʻtar kechasi xorijlik fuqarolar – pokistonlik talabalarga qarshi namoyishlar jiddiy toʻqnashuvlarga aylangani ortidan ishlab chiqildi.
Qirgʻiziston Qozogʻiston ortidan Tolibonni terrorchi tashkilotlar roʻyxatidan chiqardi. Mintaqadagi koʻplab davlatlar Kobul bilan keng koʻlamli hamkorlik aloqalarini yoʻlga qoʻydi, qoʻshma loyihalarni amalga oshirishga kirishdi. Bu davlatlarning Tolibon bilan munosabatlarni yaxshilashga intilishining sababi nimada?
Oʻzbekiston va RF energetika vazirliklari Rossiyaning «Tizim operatori»ni Markaziy Osiyo yagona energetika tizimiga qoʻshishga kelishib oldi. Rossiya energetika vaziri Sergey Tsivilyovning soʻzlariga koʻra, mazkur tashabbus nafaqat elektr energiyasi eksporti, balki davlatlar oʻrtasidagi oqimlarni boshqarish bilan ham bogʻliq.
Afgʻonistonlik 160 nafar ayol Oʻzbekistondagi tibbiyot oliygohlarida oʻqitiladi. Oliy taʻʻlim vazirligi va Qatarning Education above all fondi oʻrtasida bu borada memorandum imzolandi. Loyiha asosan Qatar tomonidan moliyalashtiriladi.
Abdulla Aripov va Mixail Mishustin Toshkentda boʻlib oʻtgan hukumat rahbarlari darajasidagi qoʻshma komissiya yigʻilishida soʻzga chiqdi. Jumladan, Mixail Mishustin Oʻzbekistonni "Rossiyaning ishonchli hamkori" deb atadi. Abdulla Aripov Oʻzbekiston RFning etakchi kompaniyalari bilan kooperatsiyani yanada kengaytirish niyatida ekanini bildirdi – bayonotlar.
Turkiyaning Trabzon shahrida Oʻzbekiston fahriy konsulxonasi ochildi. Bursa, Adana, Antaliyadan keyin toʻrtinchisi boʻlgan mazkur fahriy konsulxona Trabzon viloyat hokimligi (valilik) binosi qarshisidagi tarixiy binoda joylashgan.
Rossiya bosh vaziri Mixail Mishustin Oʻzbekistonga keldi. Toshkentda Oʻzbekiston va Rossiya hukumat rahbarlari darajasidagi qoʻshma komissiyaning beshinchi majlisi boʻlib oʻtdi. Mishustin Toshkent Texnoparkida boʻlib, Oʻzbekistonda ishlab chiqarilayotgan sanoat mahsulotlari bilan tanishdi.
Qirgʻizistonning Moskvadagi elchixonasi Rossiyaga kelish uchun uzrli sabablari boʻlmagan fuqarolarni ushbu mamlakatga safar qilishdan vaqtincha tiyilib turishga chaqirdi. Bunga “RF hududida joriy qilingan qoʻshimcha xavfsizlik choralari va chet elliklarning mamlakat chegarasini kesib oʻtishida nazorat kuchaytirilganini” sabab qilib keltirdi.