Toshkentda 8 imom-xatib, 10 imom noibi ishdan olindi, 4 nafariga hayfsan berildi

Oʻzbekiston musulmonlari idorasida boʻlib oʻtgan yigʻilishda “belgilangan tartib-qoidalarga rioya qilmagan” 8 nafar imom-xatib, 10 nafar imom noibi ishdan olingani, 4 nafariga hayfsan berilgani maʻʻlum qilindi

Bugun, 11 sentyabrʻ kuni Oʻzbekiston musulmonlari idorasida raisi, muftiy Shayx Nuriddin Xoliqnazar hazratlari raisligida Toshkent shahar imom-xatiblarining tanqidiy-tahliliy yigʻilishi boʻlib oʻtdi.

Musulmonlar idorasi matbuot xizmatining yozishicha, majlis avvalida har bir imom-xatib din gʻami, xalq dardi va yurt taqdiri yoʻlida astoydil xizmat qilishi lozimligi, din peshvosi sifatida, aholi, ayniqsa, yoshlarni toʻgʻri yoʻlga boshlashi alohida taʻʻkidlangan.

Tanqidiy masalalar muhokamasida ayrim imom-domlalar zimmasidagi birlamchi vazifasiga jiddiy yondashmayotgani, moʻmin-musulmonlar ehtiyojini taʻʻminlashda etarli saʻʻy-harakat qilmayotgani va ijro intizomidagi nuqsonlar qattiq tanqid ostiga olindi. Shuningdek, belgilangan tartib-qoidalar, mehnat shartnomalari talablari va lavozim yoʻriqnomalariga rioya etmayotgan imom-domlalarga chora koʻrilgani aytildi.

2024 yilning oʻtgan sakkiz oyida mana shunday xato-kamchiliklarni sodir etgan, din peshvosi sifatida ish faoliyatiga eʻʻtibor qaratmagan va mehnat majburiyatlarini etarli darajada bajarmagan Toshkent shahridagi masjidlarda faoliyat yuritgan 8 nafar imom-xatib, 10 nafar imom noibi vazifasidan ozod etilgani hamda 2 nafar imom-xatib va 2 nafar imom noibiga esa hayfsan intizomiy chorasi qoʻllangani maʻʻlum qilindi.

Muftiy hazratlari har bir imom-xatib din va mehrob omonatini chuqur his etishi, faoliyatini yaxshilab borishi, zamon bilan hamnafaslikda doimiy bilim-malakalarini oshirishi va peshvolik maqomiga munosib boʻlishini alohida qayd etdilar. Shuningdek, barcha imom-xatiblarni ushbu martabada shariat xodimi sifatida ixlosu muhabbat, taqvo va sadoqat bilan xizmat qilishlariga daʻʻvat etdilar.

Mavzuga aloqador

Eng ko‘p o‘qilgan

Tavsiya qilingan