Turk dunyosi 34 harfdan iborat mushtarak turk alifbosi taklifini kelishib oldi

34 ta harfdan iborat umumiy turk alifbosi taklifi yuzasidan kelishuvga erishildi. Taklif etilayotgan alifbodagi har bir harf turkiy tillarda uchraydigan turli fonemalarni ifodalaydi

9-11 sentyabrʻ kunlari Ozarbayjon poytaxti Boku shahrida Turkiy davlatlar tashkilotiga aʻʻzo mamlakatlar vakillaridan tashkil topgan Turk dunyosi umumiy alifbo komissiyasining 3-yigʻilishi boʻlib oʻtdi.

Bosh qarorgohi Qozogʻiston poytaxti Ostonada joylashgan Turk akademiyasi va Turkiya Turk tili jamiyati hamkorligida tashkil etilgan yigʻilishda umumiy alifbo sohasida olingan maʻʻlumotlar va komissiyaning 2 yillik faoliyati tajribalaridan foydalangan holda turkiy tillar uchun umumiy alifbo loyihasi ishlab chiqilgani eʻʻlon qilindi.

Bayonotda, olimlar tomonidan 1991 yilda ilk bor taklif qilingan lotin asosli mushtarak turk alifbosi loyihasi har tomonlama koʻrib chiqilib, komissiya aʻʻzolari ushbu alifbo loyihasida ishlab chiqilishi kerak boʻlgan masalalar yuzasidan zarur qarorlar berganligi taʻʻkidlandi.

"Ushbu fidokorona ish natijasida 34 ta harfdan iborat umumiy turk alifbosi taklifi yuzasidan kelishuvga erishildi. Taklif etilayotgan alifbodagi har bir harf turkiy tillarda uchraydigan turli fonemalarni ifodalaydi".

Bayonotda uchrashuvning muvaffaqiyatli yakunlanishi tarixiy ahamiyatga ega ekanligiga eʻʻtibor qaratilib, “Umumiy Turk alifbosining rivojlanishi turk xalqlari oʻrtasida oʻzaro tushunish va hamkorlikni rivojlantirish bilan birga, ularning til merosini ham saqlab qolishi” taʻʻkidlandi.

Bayonotda “barcha tegishli muassasalar taklif qilingan umumiy turkiy alifbo boʻyicha kelishuvning amalga oshirilishini faol qoʻllab-quvvatlash”ga chorlandi.