Qozogʻistonlik harbiylar BMT tinchlikparvar kuchlari tarkibida Golan tepaliklarida jangovar modullarni oʻrnatish va topshiriqlarni bajarishga kirishdi.
Turkiya prezidenti Rajab Toyyib Erdoʻgʻon Anqara yozgacha terrorchilik tahdidini yoʻq qilish va Iroq bilan chegarada toʻliq xavfsizlikni taʻʻminlash, shuningdek, Suriyada davom etayotgan operatsiyalarni yakunlash niyatida ekanini maʻʻlum qildi
Amnesty International Rossiyaning Qrimni bosib olganiga 10 yil toʻlishi munosabati bilan yarimoroldagi demografik vaziyat boʻyicha hisobotini eʻʻlon qildi. Tashkilotning bildirishicha, Rossiya rasmiylari soʻnggi oʻn yil ichida taʻʻlim, din, ommaviy axborot vositalari va sud tizimi kabi sohalardagi koʻplab cheklovlar orqali ukrain va qrim-tatar identifikatsiyasini yoʻq qilishga uringan.
Qozogʻiston va Turkiya Kaspiy dengizida xavfsizlikni taʻʻminlash sohasida oʻzaro hamkorlik boʻyicha kelishuvga erishdi. Ushbu hamkorlik, jumladan, neftʻ toʻkilishi, kema halokati va yongʻinlarida tezkor chora koʻrish imkoniga ega “professional favqulodda qutqaruv xizmati”ni yaratish, dengiz va quruqlikda turli operatsiyalarni amalga oshirishda zarur zamonaviy texnologiyalarni taqdim etishni koʻzda tutadi.
Eronda eng qadimgi turkiy tillardan biri hisoblangan xalaj tili unda soʻzlashuvchilar soni kamayib borayotgani sababli yoʻq boʻlib ketish arafasida. Shu bois xalaj tili Eronning nomoddiy milliy meros roʻyxatiga kiritildi. Maʻʻlumotlarga koʻra, bugungi kunda 19 mingga yaqin kishi ushbu tilda soʻzlashadi.
Istanbuldagi sobiq Otaturk aeroporti terminali hududida dunyodagi eng katta texnopark ochiladi. 2000 dan ortiq texnologiya tadbirkorlari qoʻl ostida 25 mingdan ziyod kishi ishlaydi.
Qozogʻistonning QAZAQ AIR aviakompaniya Oʻzbekistonga muntazam parvozlarni amalga oshirishga ruxsat oldi. Ruxsatnoma 13 mart kuni Turkiston-Samarqand-Turkiston yoʻnalishida aviaqatnovlarni yoʻlga qoʻyish uchun berildi.
AQSh Rossiyaga qarshi sanktsiyalarning Markaziy Osiyo davlatlariga salbiy taʻʻsirini yumshatish ustida ishlashda davom etish, mintaqa bilan savdo hajmini oshirish va u erga sarmoya oqimini oshirishga tayyorligini bildirdi.
Ozarbayjon 2024 yil 13 martda Evroparlamentda qabul qilingan “Evropa Ittifoqi va Armaniston oʻrtasidagi yaqin aloqalar hamda Ozarbayjon va Armaniston oʻrtasida tinchlik bitimi zarurligi toʻgʻrisida”gi rezolyutsiya asossiz va noxolis, ikki tomonlama standartning yaqqol namunasi deb atadi.
Oʻzbekiston prezidenti Shavkat Mirziyoev Sirdaryo viloyatiga poezdda bordi. Safar asnosida Oʻzbekiston musulmonlari idorasi raisi, muftiy Shayx Nuriddin Xoliqnazar bilan diniy-maʻʻrifiy yoʻnalishlardagi ishlar, Ramazon oyi fazilatlari toʻgʻrisida suhbatlashdi.