Qozogʻistonlik harbiylar Golan tepaliklarida tinchlikparvar missiyasini boshladi

Qozogʻistonlik harbiylar BMT tinchlikparvar kuchlari tarkibida Golan tepaliklarida jangovar modullarni oʻrnatish va topshiriqlarni bajarishga kirishdi.

Golan tepaliklarida qozoq tinchlikparvar kuchlari kundalik faoliyatini boshladi, deya xabar bermoqda Kazinform mamlakat Mudofaa vazirligi matbuot xizmatiga tayanib.

Qurolli kuchlar harbiy xizmatchilari Qozogʻiston hududidan Suriya poytaxti Damashqqa uchib, u erdan avtomashinalarda Fauar tinchlikparvar bazasiga etib borgan.

Rasmiy maʻʻlumotlarga koʻra, bazaga qarama-qarshi tomonlar oʻrtasida oʻt ochishni toʻxtatish boʻyicha vazifalarni bajarish uchun moʻljallangan harbiy texnika va mol-mulk ham etkazilgan. Qozogʻiston otryadi 139 nafar harbiy xizmatchidan iborat.

Milliy kontingentning shaxsiy tarkibi joylashish, “Ajratish ustidan nazorat boʻyicha BMT kuchlari” missiyasiga qoʻmondonlik qiluvchidan ishlarni qabul qilib olish hamda zaxiradagi rota vazifalarini aniqlashtirib olish bilan band

Qozogʻiston Mudofaa vazirligi tinchlikparvar missiyalarda ishtirok etish harbiy xizmatchilarning jangovar mahoratini oshirishga yordam beradigan tayyorgarlikning muhim tarkibiy qismi ekanligini taʻʻkidladi.

“Ushbu missiyaning oʻziga xos jihati uning mustaqilligidir. Avvallari tinchlikparvar kontingentimiz boshqa davlatlar boʻlinmalari tarkibida xizmat qilgan. Boʻlinma biriktirilgan hududda patrullik qilish, blokpostlar tashkil etish, tinchlikparvar bazalarni qoʻriqlash va tinchlik kelishuvlariga amal qilinishini taʻʻminlash uchun zarur boʻlgan zirhli gʻildirakli mashinalar, «KamAZ»lar, mikroavtobus va yoʻltanlamaslar bilan jihozlangan”, - deya xabar qildi Qozogʻiston Mudofaa vazirligi matbuot xizmati.

Qozogʻiston Golan tepaliklariga tinchlikparvar missiya yuborishi toʻgʻrisida 19 yanvarda rasman maʻʻlum boʻlgan edi. Keyin prezident Qosim-Jomart Toqaev parlament palatalarining qoʻshma majlisida Qozogʻiston tinchlikparvar kuchlarini Yaqin Sharq va Afrika mamlakatlariga yuborish taklifini deputatlar koʻrib chiqish uchun kiritdi.

Avvalroq Qozogʻiston mudofaa vaziri Ruslan Jaqsiliqov qozogʻistonlik harbiy xizmatchilar Yaqin Sharq va Afrikaga jang qilish uchun bormayotganini aytdi.

"Tinchlikni saqlash funktsiya va vazifalarini bajarayotganda armiya jang qilishni oʻrganmaydi. Biz, birinchi navbatda, jahon tajribasini oʻrganishni oʻz oldimizga vazifa qilib qoʻydik. Asosiy vazifa - tinchlikparvar missiyalarni bajarish, urushayotgan tomonlarni ajratish va boshqalar. Bu urush emas, bu jangovar harakatlar emas”, - dedi Jaqsiliqov avvalroq majlisda.