Istanbuldagi sobiq Otaturk aeroporti oʻrnida dunyodagi eng katta texnopark ochiladi

Istanbuldagi sobiq Otaturk aeroporti terminali hududida dunyodagi eng katta texnopark ochiladi. 2000 dan ortiq texnologiya tadbirkorlari qoʻl ostida 25 mingdan ziyod kishi ishlaydi.

Turkiyaning Istanbul shahrida joylashgan sobiq Otaturk aeroporti terminali hududida dunyodagi eng katta texnopark ochilishi kutilmoqda. 138,6 ming kv m maydonda joylashgan texnologiya parki 25 ming kishini ish bilan taʻʻminlab, 2000 texnologiya tadbirkorlariga xizmat koʻrsatadi.

Shu bilan birga, Istanbulning 39 tumanida yaratiladigan yangi umumiy ofislar inkubatsiya markazlariga aylanadi. “Terminal Istanbul” esa ularning asosiy boshqaruv markaziga aylanadi. Bu erda IT-sanoat ofisi ham joylashadi.

Texnoparkda innovatsion loyihalarni tezkorlik bilan amalga oshirishga yordam beradigan zamonaviy ofis xonalari, inkubatsiya markazlari, akseleratsiya dasturlari, kovorking maydonlari va tadqiqot laboratoriyalari boʻladi.

Bu erda texnologiya ustaxonalari, tadqiqot markazlari, dasturiy taʻʻminot maktablari va bolalar universiteti ham ochiladi. Oʻta iqtidorli oʻrta va yuqori sinf oʻquvchilari 2700 kv m maydondagi Deneyap texnologik ustaxonada saboq olishadi.

3200 kv m maydonni egallagan dasturiy taʻʻminot maktablarida esa 18 yoshdan oshgan yoshlar yangi avlod dasturiy taʻʻminoti bilan ishlash boʻyicha bepul oʻqitiladi.

Bolalar universiteti uchun 2700 kv m maydon ajratilgan boʻlib, unda maxsus taʻʻlim muhiti yaratiladi va  10-13 yoshli ming nafar bola fan va texnika sohasida amaliy nazariy bilim olishi mumkin boʻladi.

Texnopark Istanbulning yangi diqqatga sazovor joylaridan biriga, ijtimoiy integratsiya va IT-sanoat zonasiga aylanadi. Shuningdek, texnoparkning bilim va fikr almashish uchun muhim maydon boʻlishi kutilmoqda. Unda olimlar, muhandislar, tadbirkorlar va talabalar oʻrtasidagi hamkorlikni rivojlantirish, innovatsiyalar uchun qulay muhit yaratiladi.

Innovatsion loyihalarni ishlab chiqish va amalga oshirishni qoʻllab-quvvatlash uchun sunʻʻiy intellekt, maʻʻlumotlar markazlari va bulutli texnologiyalar kabi ilgʻor texnologiyalardan faol foydalaniladi.

Mavzuga aloqador

Eng ko‘p o‘qilgan

Tavsiya qilingan

Reklama