Samarqand sudi SSSRni tiklash tarafdori boʻlgan 74 yoshli fuqaroga 3 yilga ozodlikni cheklash jazosini tayinladi. Ayblanuvchi sudda oʻz aybini tan olmagan, biroq suddan jazoni engillashtirishni soʻragan.
4-5 sentyabrʻ kunlari Oʻzbekiston Davlat xavfsizlik xizmati tomonidan MDH mamlakatlari vakolatli organlarining «Sharq-Aksilterror – 2024» qoʻshma aksilterror mashgʻulotlari oʻtkaziladi. Shuningdek, Toshkentda ShHT Mintaqaviy aksilterror tuzilmasining X xalqaro ilmiy-amaliy konferentsiyasi hamda MDH terrorizm va ekstremizmga qarshi kurash boʻyicha II konferentsiyasi boʻlib oʻtadi.
2024 yil 1 noyabrdan «Qizil-Qiya» – «Avtodorojniy» chegara bojxona postida yuk tashishda elektron navbatni boshqarish tizimini joriy etish boʻyicha tajriba loyihasi boshlanadi. Evropa Ittifoqi tomonidan moliyalashtirilayotgan loyiha Xalqaro Savdo Markazi koʻmagida amalga oshirilmoqda. Tajriba bosqichi joriy yilning 15 dekabriga qadar davom etadi.
Turk Milliy razvedka tashkiloti Isroilning MOSSAD tashqi razvedka xizmati uchun Turkiyada faoliyat olib borayotgan shaxslarga pul etkazib turgan kosovalik Liridon Reksepini hibsga oldi. Reksepi, shuningdek, dron yordamida tasvirga olish, falastinlik siyosatchilarga qarshi psixologik amaliyotlar oʻtkazish bilan ham shugʻullangan.
Rossiyaning Nijniy Novgorod viloyatida «Qozogʻiston-Moskva» yoʻnalishida harakatlanib ketayotgan Hyundai mikroavtobusi KІA serato mashinasi bilan toʻqnashdi. Oqibatda 7 oʻzbekistonlik — olti erkak va bir ayol halok boʻldi, 3 kishi jarohatlandi. Vafot etganlarning jasadlarini vatanga qaytarish choralari koʻrilmoqda.
Turk yoshlari ittifoqi (TGB) aʻʻzolari Isroilni himoya qilish uchun mintaqaga joʻnatilgan, hozirda Turkiyaning Izmir portiga vaqtinchalik langar tashlagan AQShning USS Wasp samolyot tashuvchi kemasida navbatchilik qilgani aytilayotgan amerikalik askarni kaltaklab, boshiga qop kiydirishdi.
Qozogʻiston prezidenti Qosim-Jomart Toqaev 6 oktyabrʻ kuni mamlakatda atom elektr stantsiyasini qurish boʻyicha referendum oʻtkazilishini maʻʻlum qildi.
Surxondaryo viloyatining Boysun tumanidagi «Mustaqillikning 25 yilligi» konida oltingugurt (vodorod sulfid) gazi chiqishi kuzatildi. FVV kon yaqinidagi fuqarolar evakuatsiya qilingani, vaziyat toʻliq nazoratda ekaninimaʻʻlum qildi. Havoning ifloslanish darajasi oʻrganilmoqda, jabrlanganlar yoʻq.
Qozogʻiston birinchi prezidenti Nursulton Nazarboev jiyanining sobiq rafiqasi Gulmira Satibaldi sobiq biznes sherigi Abay Junusovni 165 kun davomida majburan saqlab turgani uchun toʻqqiz yilga qamadi. Ayol shu yoʻl bilan sherigini kompaniyalardagi ulushidan voz kechtirmoqchi boʻlgan.
Tolibon hukumati etnik oʻzbek Abdul Gʻaffor Tiraviyni Afgʻonistonning Oʻzbekistondagi elchisi etib tayinladi. Tiraviy bunga qadar Afgʻoniston Oliy sudining tadqiqot boʻlimi direktori lavozimida faoliyat koʻrsatgan.