Nazarboevning sobiq kelini odam oʻgʻirlashda ayblandi
29 avgust kuni Olmaota ixtisoslashtirilgan tumanlararo sudi Gulmira Satibaldini 12 yilga ozodlikdan mahrum qildi. U Qozogʻistonning birinchi prezidenti Nursulton Nazarboev jiyanining sobiq rafiqasi hisoblanadi.
Sud Satibaldini qarindoshi va sobiq biznes sherigi Abay Junusovni 2019 yilda 165 kun davomida oʻz irodasiga zid ravishda majburan izolyatsiya qilganlikda aybdor deb topdi. Tergov maʻʻlumotlariga koʻra, shu yoʻl bilan birinchi prezidentning sobiq kelini tadbirkorni bir nechta kompaniyalardagi ulushlaridan voz kechishga majburlamoqchi boʻlgan.
Mahkumaning sobiq haydovchisi Madi Botirshaev ham jazo oldi – u shaxsni majburan ushlab turishga yordam berganlikda aybdor deb topildi va toʻqqiz yilga qamaldi.
Bu Satibaldiga nisbatan chiqarilgan birinchi hukm emas. U allaqachon bir vaqtning oʻzida ikkita qamoq jazosini oʻtamoqda – sakkiz yilni bir nechta korxonalarning ulushlari va mulklarini oʻgʻirlash hamda oʻzlashtirgani, etti yilni odam oʻgʻirlash va jinoyatga yordam bergani uchun.
Mavzuga aloqador
-
Turkiya va Isroil pasportlariga ega eng kamida 4 ming sionist 7 oktyabrdan keyin Gʻazoga borib, Isroil armiyasi safida falastinliklarni qirishda ishtirok etmoqda. Ularning 65 tasi jabhada oʻldirilgan, 110 tasi esa turli darajada yarador qilingan. Turkiye gazetasi maʻʻlumotlariga koʻra, Turkiyada ikki fuqarolikka ega 20 ming, Isroilda esa 250 ming isroillik yashaydi. Isroilning “Temir gumbaz” tizimiga masʻʻul general ham Turkiya fuqaroligiga egaligi aniqlangan.
-
Turkiyaning Antaliya shahri Isroilning Bat Yam shahri bilan qardoshlik aloqalarini bekor qildi. Avvalroq Adana shahri Beer Sheva bilan qardoshlikni uzgan edi.
