Россия қонунчилигига муҳожирларни мамлакатдан чиқариб юборишга сабаб бўладиган ҳуқуқбузарликлар рўйхатини кенгайтириш режалаштирилмоқда. Жумладан, ички ишлар ва бошқа ҳуқуқни муҳофаза қилиш органлари ходимларининг қонуний буйруқларига бўйсунмаслик, миграция рўйхатидан ўтишда ёлғон маълумотлар тақдим этиш ёки тақиқланган ташкилотлар рамзларини кўрсатиш ҳам депортга сабаб бўлиши мумкин.

Ҳиндистон бош вазири Нарендра Моди 8—9 июль кунлари Москвага ташрифи доирасида РФ Қуролли кучлари сафида Украинада уруш олиб бораётган ҳиндистонликларни ортга қайтариш бўйича келишувга эришди. Қайд этилишича, айни пайтда агентлар томонидан юқори лавозимли ишларга таклиф қилиш орқали урушга жўнатилган йигирмага яқин ҳиндистонлик жанг жабҳаларида қолмоқда, 10 нафари ватанга қайтарилган, икки ҳиндистонлик эса урушда ҳалок бўлган.

Isroil diaspora ishlari vaziri Amixaya Shiklining Frantsiyadagi parlament saylovlarida Jordan Bardell va Marin Le Penning “Milliy birlashuv” partiyasini qoʻllab-quvvatlagani, oʻta oʻnglar gʻalabasi Isroil manfaatlariga xizmat qilishi haqidagi bayonotlari frantsuzlar etakchisi Emmanuel Makronni gʻazablantirdi. Makron Shiklini mamlakatdagi parlament saylovlariga toʻgʻridan-toʻgʻri aralashganlikda aybladi.

Rossiya musulmonlari diniy boshqarmasi raisining birinchi oʻrinbosari, Moskva islom instituti rektori, ilohiyot fanlari doktori Damir Muxetdinov niqob RF tub musulmon xalqlari uchun tarixiy anʻʻanaviy libos ekanini taʻʻkidlab, Sovet Ittifoqidan oldingi davrda tatarlar va Shimoliy Kavkaz xalqlari orasida bu kiyim tarqalgani boʻyicha tarixiy dalillarni misol tariqasida keltirdi.

Germaniya Vakillar palatasi HAMASning harbiy qanoti Al-Qassam brigadalari oʻz videolarida nishonlarini koʻrsatish uchun qoʻllagan qizil teskari uchburchakni taqiqlash uchun ovoz berdi. Muxolifatchi partiyalar ushbu tashabbusni tanqid qilib, bu kabi taqiqlar oʻrinsiz ekani, qizil uchburchaklar esa turli tashkilotlar tomonidan uzoq yillardan buyon foydalanib kelinayotgani va yangi tartib ularni avtomat ravishda jinoyatchiga aylantirib qoʻyishini taʻʻkidladi.

Исроил Ғазо секторида босқинчилик ва қирғинбарот урушини бошлаганига 277 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

АҚШда президент Жо Байденнинг кейинги савловларда қатнашишга муносиб номзод эмаслиги ҳақидаги гап-сўзлар кўпаймоқда. Жумладан, Жанубий Каролинадан сенатор Линдси Грем 81 ёшли давлат раҳбарининг ақлий ва жисмоний ҳолатини текширишга чақирди. Вакиллар палатасининг 25 кишилик демократлар гуруҳи ҳам Байденни президентлик сайлови пойгасидан чиқишга чақирди. АҚШ вице-президенти Камала Харрис демократлардан ишончлироқ номзод бўлиши мумкинлиги айтилмоқда.

Lancet тиббиёт журналида эълон қилинган тадқиқот хулосаларига кўра, Ғазо секторида Исроил томонидан 186 минг нафардан ортиқ ёки анклав аҳолисининг 8 фоизи Исроил томонидан ўлдирилган бўлиши мумкин. Тадқиқот муаллифларининг фикрича, соғлиқни сақлаш муассасалари кенг миқёсда вайрон бўлгани, озиқ-овқат ва дори-дармонларнинг кескин танқислиги ҳамда ҳозирча тозалашнинг имкони бўлмаган вайроналар остида одамлар жасадлари қолиб кетгани туфайли ҳақиқий кўрсаткич анча юқори.

Yaponiyalik Ikuto Xongu, garchi oʻzi musulmon boʻlmasa ham, ijtimoiy tarmoqlardagi millionlab kuzatuvchilariga Islom dini haqida tanitish bilan shugʻullanib kelmoqda. Jumladan, yaponlarga “Maqsadim – dunyoga Islomni sevdirish”, – deydi u. Ikuto Xongu Oʻzbekistonga ham tashrif buyurgan, mamlakatimizning diqqatga sazovor joylari, oʻziga xosliklari haqida kuzatuvchilariga maʻʻlumot bergan.

АҚШ ҳарбийлари Нигер пойтахти Ниамей аэропорти яқинидаги 101-ҳаво базасидан ўз ходимларини олиб чиқди. Нигерда ҳокимиятни қўлга киритган ҳарбий хунта Қўшма Штатларга 15 сентябргача мамлакатдаги 1000 га яқин аскари ва ҳарбий техникаларини олиб чиқиш кетишни буюрган эди.