AQShda prezidentlik saylovlari yaqinlashar ekan, Demokratik partiyaning milliarder donorlari prezident Jo Baydenning nomzodidan xavotirda. Ayniqsa 81 yoshli Bayden yoshi bilan bogʻliq xavotirlar asossiz ekanini isbotlay olmaganidan soʻng uning nomzodiga nisbatan tanqidlar kuchaydi.

Эроннинг янги президенти Масуд Пезешкиан давлат раҳбари этиб сайланганидан кейин чоп этган мақоласида Россияни мамлакатининг қимматли стратегик иттифоқдоши деб атади. "Хитой ва Россия қийин пайтларда бизни доимо қўллаб-қувватлаб келган. Биз бу дўстликни чуқур қадрлаймиз”, – деди у.

The Telegraph nashri Xitoy qariyb oʻn yildan buyon Tojikistonning 4000 metr balandlikdagi borish qiyin boʻlgan togʻli hududida maxfiy harbiy baza qurib kelayotganini maʻʻlum qildi. “Tolibon” nazorati ostidagi Afgʻonistondan kelishi mumkin boʻlgan tahdidlarni qaytarib qolishi ishonilgan baza xitoy va tojik harbiylarini qabul qilishga moʻljallangani aytilmoqda.

Isroil Gʻazo sektorida bosqinchilik va qirgʻinbarot urushini boshlaganiga 280 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

Rossiya Federal xavfsizlik xizmati (FSB) RF tarkibidagi Adigeya Respublikasining Maykop shahrida joylashgan pravoslav cherkoviga Markaziy Osiyo davlatlaridan birining fuqarosi hujum uyushtirishni rejalashtirganini maʻʻlum qildi. Uning hujum rejasini ishlab chiqqani, hududda razvedka ishlarini olib borgani va zarur jihozlarni sotib olib, qoʻlbola yondiruvchi moslama yasagani maʻʻlum qilindi.

Oʻlimlar soni tugʻilishlar sonidan oshib ketgan Evropa Ittifoqi mamlakatlari aholisi 2023 yilda migratsiya hisobiga koʻpaydi. Oʻtgan yil davomida umumiy aholi soni 447,6 milliondan 449,2 million kishiga oshgan.

Xitoyda kreditga asoslangan rivojlanish nihoyat o'sishni to'xtatdi va mamlakat va jahon iqtisodiyoti uchun jiddiy tahdidga aylanmoqda. Bir hafta ichida mamlakatda 40 ta bank yopildi, yana 3800 ta moliya instituti bankrotlik yoqasida. Ularning aksariyati ishlab chiqaruvchilar va mahalliy hokimiyatlarga kreditlar berdi.

Marokash Isroil aerokosmik konsernidan 1 milliard dollarga sun’iy yo‘ldosh sotib olishni rejalashtirmoqda. Fransuz OAVlarining fikricha, kelishuv o‘tgan yozda, Isroil G‘azoga bostirib kirishidan oldin tuzilgan. Biroq, davom etayotgan mojaroga qaramay, Rabot kelishuvni bekor qilmadi. Avvalroq Marokash Ispaniyaning yoqilg‘i va oziq-ovqat bo‘yicha so‘rovini rad etgan Isroil harbiy kemasiga qo‘l ochgan edi.

Париж олимпиадаси олдидан шаҳардаги минглаб уйсизлар автобусларда мамлакатнинг чекка ҳудудларига олиб кетилди. Уларга уй-жой ва ижтимоий ёрдам пакетлари ваъда қилинган, бироқ аксарият ҳолларда ўз ҳолларига ташлаб қўйилган.

Qozog‘iston Qimmatli qog‘ozlar markaziy depozitariysi o‘z mijozlaridan 10 avgustgacha Rossiya qimmatli qog‘ozlarini o‘z tasarrufidan olib qo‘yishni talab qildi. Bunga AQSh moliya vazirligi iyun oyida Moskva fond birjasi va Rossiya depozitariysiga qarshi sanksiyalar joriy etgani sabab bo‘lgan.