AQShda Baydenning ruhiy holatini tekshirish tavsiya etilgan

AQShda prezident Jo Baydenning keyingi savlovlarda qatnashishga munosib nomzod emasligi haqidagi gap-soʻzlar koʻpaymoqda. Jumladan, Janubiy Karolinadan senator Lindsi Grem 81 yoshli davlat rahbarining aqliy va jismoniy holatini tekshirishga chaqirdi. Vakillar palatasining 25 kishilik demokratlar guruhi ham Baydenni prezidentlik saylovi poygasidan chiqishga chaqirdi. AQSh vitse-prezidenti Kamala Xarris demokratlardan ishonchliroq nomzod boʻlishi mumkinligi aytilmoqda.

Janubiy Karolina senatori Lindsi Grem Jo Bayden, shuningdek, Donald Tramp va boshqa siyosatchilar uchun jismoniy va kognitiv testlarni oʻtkazishga chaqirdi. Respublikachi qonunchi barcha boʻlajak prezidentlikka nomzodlar, shuningdek, prezident oʻrnini egallashi mumkin boʻlganlar uchun bunday testlarni oʻtkazishni tavsiya qildi.

“Boʻlajak prezidentlikka nomzodlarning barchasi umumiy tibbiy koʻrik doirasida nevrologik tekshiruvdan oʻtishi kerak. Keling, Trampni tekshiramiz. Keling, Baydenni tekshiramiz. Nomzodlarni tekshirib koʻraylik”, - dedi senator.

“Biz [prezidentlikka] nomzod boʻladigan odamlar ogʻir sharoitlarda bosh qoʻmondon boʻlishga qodirligiga ishonch hosil qilishimiz kerak”, - deya oʻz fikrini davom ettirdi siyosatchi.

Gremning taklifi kaliforniyalik demokrat Adam Shiff agar Bayden va Tramp testlardan oʻtishsa, "baxtli boʻlishini" aytganidan keyin yangragani eʻʻtiborga molik.

"Ochigʻini aytganda, test Donald Trampning u yoki bu turdagi jiddiy xastalikka ega ekanligini koʻrsatadi", - deya kinoya qilgan edi Adam Shiff respublikachining ham ruhiy muammolari borligini nazarda tutib.

AQSh prezidentini kognitiv sinovdan oʻtkazish haqidagi gap-soʻzlar 81 yoshli Baydenning Donalʻd Tramp bilan oʻtkazgan debatidagi muvaffaqiyatsizligi bilan bogʻliq. Siyosatchi debatdagi muvaffaqiyatsizligi ruhiy buzilish alomati emas, balki shunchaki «epizod» boʻlganiga ishontirishga urinmoqda. Oq uy rahbari joriy yilning noyabrʻ oyida boʻlib oʻtadigan saylovda demokratlardan qayta saylanishga qodir nomzod ekanligini isbotlamoqchi. Biroq Demokratlar lageridagi hamma ham bunday fikrda emas: Vakillar palatasining 25 kishilik demokratlar guruhi allaqachon Baydenni poygadan chiqishga chaqirgan.

Grem, shuningdek, Baydenning Demokratik nomzod sifatida "oʻrnini egallashi" mumkinligini va AQSh vitse-prezidenti Kamala Xarris eng aniq tanlov ekanligini taxmin qildi. "Agar u nomzod boʻlsa, bu hozirgidan butunlay boshqacha poyga boʻladi", dedi demokrat. ‎