Umuman olganda, dunyo boʻylab harbiylar global issiqxona gazlari chiqindilarining yillik 5,5 foiziga sababchidir - bu aviatsiya va yuk tashish sanoatinikidan ham koʻproq. Yaqinda Londondagi Qirolicha Meri universiteti xodimlari Gʻazodagi soʻnggi qirgʻinning dastlabki 120 kunida hosil boʻlgan vayronalar 26 ta davlatning yillik chiqindilaridan koʻproq, degan xulosaga kelishdi – London Qirolicha Meri universiteti tadqiqotchilari maqolasidan.
Jahon sogʻliqni saqlash tashkiloti bosh direktori Tedros Adhanom Gebreesus Shvetsiyada Afrika mintaqasidan tashqarida birinchi marta halokatli virusni yuqtirish holati aniqlanganidan keyin barcha mamlakatlarni ushbu virus tarqalishiga qarshi nazoratni kuchaytirishga chaqirdi.
Respublikachilar partiyasidan AQSh prezidentligiga nomzod Donalʻd Tramp payshanba kuni antisemitizmga qarshi kurash boʻyicha oʻtkazilgan tadbirda nutq soʻzladi. Tramp oʻz nutqi davomida Falastin tarafdori namoyishchilarni «kallakesarlar» deb atadi, yahudiyga turmushga chiqqan Kamala Xarrisni “Isroil va yahudiylarni yoʻq qilmoqchi boʻlgan kuchlar nomzodi” dedi va Isroil hududining kengayishi haqida oʻylashini maʻʻlum qildi.
Isroil Gʻazo sektorida bosqinchilik va qirgʻinbarot urushini boshlaganiga 315ikun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
Qariyb ikki yildan buyon urush davom etayotgan Ukrainada oʻzbekistonliklar yangi kompaniya tashkil etganlar orasida turklardan keyin ikkinchi boʻldi. 2022 yil martidan buyon oʻzbek tadbirkorlari 312 ta kompaniyaga asos soldi. Turklar – 396 ta. Shuningdek, Ukraina poytaxtida eng koʻp Oʻzbekiston fuqarolari tadbirkorlik faoliyatini tashkil etgan – 175 ta kompaniya.
Ukraina “qonuniy tartibni saqlash va aholining ustuvor ehtiyojlarini taʻʻminlash” maqsadida Rossiyaning Kursk viloyati hududida harbiy komendatura tashkil etdi. Shuningdek, Kurskda “bufer hudud” barpo etish rejasi maʻʻlum qilinib, insonparvarlik yordamiga muhtoj yoki Ukrainaga koʻchib oʻtishni istagan rossiyaliklarga telefon yoki elektron pochta orqali bogʻlanish aytildi.
Oktyabrda boʻlib oʻtadigan Tunis prezidentligiga saylovlarda oʻz nomzodini qoʻymoqchi boʻlgan K2Rhym nomi bilan mashhur tunislik reper Karim Garbi hujjatlarni qalbakilashtirish aybi bilan sirtdan 4 yil qamoq jazosi va 1600 dollar jarimaga tortildi.
AQSh vitse-prezidenti Kamala Xarrisning saylov kampaniyasi musulmon va arab saylovchilar bilan ishlash uchun maslahatchi yolladi. U avval Oq uy xodimlarida musulmonlar, arablar va Gʻazo bilan bogʻliq masalalar, shuningdek, reproduktiv huquqlar, ovoz berish va demokratiya masalalari boʻyicha maslahatchi boʻlib ishlagan Nasrina Bargzi boʻldi.
Shveytsariyadagi nomaʻʻlum joyda yopiq eshiklar ortida AQSh shafeligida Sudan hukumatining ishtirokisiz ushbu mamlakatda tinchlik oʻrnatish boʻyicha 10 kunlik muzokaralar boshlandi. Muzokaralarda Saudiya Arabistoni, AQSh, Shveytsariya, BAA, Misr, Afrika Ittifoqi va BMT vakillari qatnashmoqda.
Gʻazoda qatliom uyushtirayotgan Isroil askarlaridan 10 mingdan ziyodi turli jarohatlar, shuningdek, ruhiy buzilishlar bilan Mudofaa vazirligi Reabilitatsiya boshqarmasiga murojaat qilgan. Bosqinchi armiya askarlari asosan tashvish, ruhiy tushkunlik, jarohatdan keyingi qiyinchiliklar, moslashish va muloqotdagi muammolardan shikoyat qilgan. 3700 dan ortigʻi esa bosh, qoʻl-oyoq va koʻzidan jarohat olgan.