Ukraina Rossiyaning Kursk viloyatida harbiy komendatura tashkil etdi
Ukraina “qonuniy tartibni saqlash va aholining ustuvor ehtiyojlarini taʻʻminlash” maqsadida Rossiyaning Kursk viloyati hududida harbiy komendatura tashkil etdi. Shuningdek, Kurskda “bufer hudud” barpo etish rejasi maʻʻlum qilinib, insonparvarlik yordamiga muhtoj yoki Ukrainaga koʻchib oʻtishni istagan rossiyaliklarga telefon yoki elektron pochta orqali bogʻlanish aytildi.
Ukraina
Rossiyaning Kursk viloyatida harbiy komendatura tashkil etdi, deya xabar qildi Ukraina
Qurolli Kuchlari Bosh qoʻmondoni Aleksandr Sirskiy.
Ukraina rasmiysining soʻzlariga, komendatura "qonuniy tartibni saqlash va aholining ustuvor
ehtiyojlarini taʻʻminlash" uchun yaratilgan. Uning rahbari etib general-mayor
Eduard Moskalev tayinlandi.
Avvalroq Ukraina reintegratsiyasi boʻyicha vaziri Irina Vereshchuk
harbiylar bilan Kursk viloyatidan Sumiga tinch aholi uchun gumanitar koridorning
ehtimoliy yoʻnalishi ishlab chiqilayotganini maʻʻlum qilgandi.
Shuningdek, u Ukraina Kursk viloyatida "xavfsizlik
zonasi" yaratishni rejalashtirayotganini va "Rossiya mintaqasining qoʻshni
hududlarida gumanitar vaziyatning yomonlashishi mumkinligi sababli" ruslarni
qabul qilishga tayyor boʻlishi kerakligini aytdi. Uning vazirligi gumanitar yordamga
muhtoj yoki “Ukrainaga evakuatsiya qilmoqchi boʻlgan” Rossiya viloyati aholisini
telefon yoki elektron pochta orqali bogʻlanishga chaqirdi.
Mavzuga aloqador
-
Ukraina prezidenti Vladimir Zelenskiy ukrain qoʻshinlari Rossiyaning Kursk viloyati hududidagi operatsiyasi davom etayotgani, 6 avgustdan buyon RF hududidagi 74 ta aholi manzilini oʻz nazoratiga olganini maʻʻlum qildi. Ukrain armiyasi maʻʻlumotlariga koʻra, soʻnggi 24 soat ichida Ukraina qurolli kuchlari turli yoʻnalishlarda 1 kilometrdan 3 kilometrgacha oldinga siljigan.
-
Rossiyaning Kursk viloyatiga bostirib kirgan ukrain qoʻshinlari 14 kuni bir martada 102 nafar rus harbiylarini asirga tushirdi. Ukraina Xavfsizlik xizmatining “razvedka boshqarmasi xodimlari tomonidan amalga oshirilgan maxsus operatsiya chogʻida Rossiya Qurolli Kuchlarining 488-gvardiya motooʻqchilar polki va chechenistonliklardan iborat “Axmat” boʻlinmasi askarlari taslim boʻlgan.
