Shvetsiyaning Xerrid shahri hokimligiga ishga kirgan musulmon xodim birinchi ish kunining oʻzidayoq ishdan boʻshatildi. Bunga u bilan tanishayotgan ayollarning uzatilgan qoʻllarini Islom qoidalariga muvofiq tarzda tutishdan bosh tortgani sabab boʻldi. Musulmon xodim hokimlik ustidan Ombudsmanga shikoyat kiritdi. Ariza koʻrib chiqilmoqda.
Falastinliklarga boʻlayotgan zulm bir necha yuz yillardan beri hech bir jamiyatga nisbatan qoʻllanmagan. Falastin Sogʻliqni Saqlash Vazirligining psixiatriya boʻlimi boshligʻi Doktor Samah, oʻzining bergan intervʻyusida aytishicha: Zulm ostidagi Falastinga berilayotgan psixologik zarbalar bir necha darajaga ajraladi. Birinchisi, jismoniy zarar berish, hibsga olish va qiynoqqa solish bilan yakun topayotgan zarbalar. Keyingilari, Gʻazo sektorida sionistlar va musulmonlar oʻrtasidagi janglar yoki falastinlik jurnalist Shirin Abu Oqilaning oʻldirilishi kabi jamiyatda qoʻrquv hissini yuzaga keltiradigan jamoaviy zarbalar”.
Mehnat muhojirlarining Rossiyani ommaviy tark etishi fonida ish beruvchilar migrantlarning oylik maoshlarini oshirishga majbur boʻlmoqda. Bu esa, oʻz navbatida, tovar va xizmatlar tannarxining oshishi hamda sifatining tushishiga sabab boʻlmoqda - “Moskovskiy komsomolets” tadqiqoti.
Lids universiteti professori Salmon Sayyid Britaniya boʻylab boʻlib oʻtgan musulmonlarga qarshi namoyishlar islomofobik tashviqotlar mahsuli ekanini maʻʻlum qildi. Biroq, uning taʻʻkidlashicha, oʻn yillar davomida olib borilgan tashviqotlarga qaramasdan, musulmonlar, nomusulmonlar, turli irq vakillari, soʻlchilar va irqchilikka qarshi boʻlgan barcha pogromchilarga qarshi namoyishlarga chiqib, ularning ovozlarini oʻchirdi.
Isroil Gʻazo sektorida bosqinchilik va qirgʻinbarot urushini boshlaganiga 316 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
Rossiya Tashqi ishlar vaziriligi Ukraina qoʻshinlari bilan Kursk viloyatining Suja shahriga kelgan italiyalik telejurnalistlarga nisbatan Jinoyat kodeksining davlat chegarasini noqonuniy kesib oʻtish moddasi bilan jinoyat ishi qoʻzgʻatilishi mumkinligini maʻʻlum qildi. Shu munosabat bilan Italiyaning RFdagi elchisi Rossiya TIVga chaqirildi.
BAA hukumati mamlakat miqyosida juma kunini dam olish kuni deb eʻʻlon qilish hamda ish soatlarini 9 soatdan 7 soatga qisqartirish imkoniyatlarini oʻrganib chiqmoqda. Mutaxassislar ish kunlari va soatlarining qisqarishi ish unumdorligiga salbiy taʻʻsir koʻrsatmasligi, aksincha, ishchilarni vaqtdan samarali foydalanishga sabab boʻlishini taʻʻkidlamoqda.
Gʻazo sektoridagi urush Isroil iqtisodiyotiga 250 milliard shekeldan (67,3 milliard dollar) koʻproq zarar keltirdi. Byudjet taqchilligi iyulʻ oyida 8,1 foiz yoki 155 milliard shekelni (41,8 milliard dollar) tashkil etdi. Mamlakat tashqi qarzi oʻrta istiqbolda YaIMning 70 foizidan oshishi kutilmoqda.
Umuman olganda, dunyo boʻylab harbiylar global issiqxona gazlari chiqindilarining yillik 5,5 foiziga sababchidir - bu aviatsiya va yuk tashish sanoatinikidan ham koʻproq. Yaqinda Londondagi Qirolicha Meri universiteti xodimlari Gʻazodagi soʻnggi qirgʻinning dastlabki 120 kunida hosil boʻlgan vayronalar 26 ta davlatning yillik chiqindilaridan koʻproq, degan xulosaga kelishdi – London Qirolicha Meri universiteti tadqiqotchilari maqolasidan.
Jahon sogʻliqni saqlash tashkiloti bosh direktori Tedros Adhanom Gebreesus Shvetsiyada Afrika mintaqasidan tashqarida birinchi marta halokatli virusni yuqtirish holati aniqlanganidan keyin barcha mamlakatlarni ushbu virus tarqalishiga qarshi nazoratni kuchaytirishga chaqirdi.