Telegram асосчиси Павел Дуров платформа қоидаларини бузган фойдаланувчиларнинг IP-манзиллари ва телефон рақамлари ҳуқуқ-тартибот идораларига ўтказилишини маълум қилди. Тадбиркор бу фақат асосли қонуний сўровларга жавобан амалга оширилишига ишонтирди. Шунингдек, мессенжер халқаро қонунчилик талабларига мувофиқ махфийлик сиёсатини янгилади.

Павел Дуров Францияда қўлга олинганидан сўнг илк бор баёнот билан чиқди. У Telegram кўплаб мамлакатлар билан ҳамкорликка тайёрлиги бироқ ўз принципларидан воз кечмаслигини маълум қилди.

Франция суди уюшган жиноятчиликда айбланаётган Telegram асосчиси Павел Дуровга нисбатан расмий тергов бошлади, бироқ у 5 миллион евро миқдорида гаров пули эвазига судгача қамоқда бўлишдан қутилди. Шунингдек, Дуровга Франция ҳудудини тарк этиш тақиқланиб, ҳафтасига икки марта полиция идорасига келиш топширилди.

Германиялик тадбиркор ва ва фаол Ким Дотком Дуров ҳибсга олинганининг эртасига Франция катта йўқотишларга учраш хавфи остида қолганини маълум қилди. Унинг сўзларига кўра, БАА 80 та янги авлод Rafale қирувчи самолётларини сотиб олиш бўйича 17 миллиард долларлик битимни музлатишга қарор қилган.

БАА ТИВ Францияда олинган ўз фуқароси Павел Дуровга барча консуллик хизматлари зудлик билан кўрсатиш ва Парижга тегишли сўров юборишга тайёрлигини билдирди. Телеграм асосчиси бир вақтнинг ўзида тўрт давлат – Россия, Франция, БАА ҳамда Кариб денгизидаги Сент-Китс ва Невис давлати фуқароси ҳисобланади.

Франция ҳукумати Телеграм асосчиси Павел Дуровни ҳибсда сақлаш муддатини 96 соатгача (4 кун) узайтирди. Дуров фирибгарлик, гиёҳванд моддалар савдоси, кибербуллинг, уюшган жиноятчилик ва терроризм ташвиқоти каби жиноятларда гумонланмоқда. Телеграм ушбу айбларни рад этди.