Жанубий Кореянинг Samsung компанияси Исроилнинг Ғазо секторига ҳужумлари ва фойда маржаси тушиб кетгани сабабли мамлакатдаги 70 та стартап лойиҳасини тўхтатиш ҳамда ушбу бозорни тарк этишга қарор қилди.
АҚШ президенти Жо Байден маъмурияти Исроилга қурол-яроғ етказиб беришни кўпайтириш ва 18 миллиард долларлик ёрдам пакетини ажратишни режалаштирмоқда. Ушбу ёрдам Boeing компаниясининг 25 дона F-15 самолётини ўз ичига олади. Қарор тасдиқланса, Тел-Авив арсеналидаги самолётлар умумий сонини 50 тага етказиш имконига эга бўлади.
Қуддусда Исроил ва ҲАМАС ўртасидаги уруш бошланганидан бери энг йирик норозилик намойиши бўлиб ўтди. 100 мингдан зиёд киши қатнашган намойиш ташкилотчилари ҳукумат истеъфосини талаб қилиб, Ғазо секторида гаровда бўлган 130 нафар исроилликни озод қилишга олиб келадиган келишувга рози бўлишга чақирмоқда. Норозилик ҳаракатлари вакиллари бу ҳафта Қуддус бўйлаб тўрт кунлик митинг ва тадбирлар ўтказишни режалаштирмоқда.
Туркия Савдо вазири Омер Болат 7 октябрдан бери Туркия ва Исроил ўртасидаги савдо ҳажми 33 фоизга қисқарганини маълум қилди. "Ҳукумат, давлат идоралари, давлат компаниялари Исроил компаниялари билан савдо қилгани йўқ", деди вазир.