АҚШ разведкаси Эроннинг Исроилга ҳужуми санасини эълон қилди
АҚШ разведкаси маълумотларига кўра, Эрон Shahed учувчисиз учоқлари ва қанотли ракеталардан фойдаланган ҳолда Исроилга қарши жавоб қайтаришни режалаштирмоқда. Бу ҳақда CBS News ўз манбаларига таяниб хабар қилди.
Қайд
этилишича, Эроннинг жавоби мутаносиб бўлади: яъни Исроилнинг минтақа
давлатларидан биридаги элчихонасига зарба берилади. Бу 5-10 апрель кунлари
бўлиши кутилмоқда.
Эслатиб
ўтамиз, Исроил авиацияси душанба, 1 апрель куни Сурия пойтахтидаги Эрон
консулхонаси биносига ракета зарбасини берди. Натижада консуллик биноси
бутунлай вайрон қилинди, шунингдек, 11 киши, жумладан, 7 нафар эронлик ҳарбий
ҳалок бўлди. Қурбонлар орасида Эрон Ислом инқилоби қўриқчилари корпуси
(ИИҚК)нинг икки нафар юқори лавозимли генерали ҳам бор.
Ҳодисадан
кўп ўтмай Эроннинг Суриядаги элчиси Ҳусайн Акбарий унинг мамлакати “тез,
тўғридан-тўғри ва қатъий” равишда жавоб беришини маълум қилди. Бу каби
баёнотларни кейинроқ мамлакат раҳбарияти ҳам бир неча бор такрорлади.
The New
York Times Эрон Исроилга қарши жавоб чораларини кўриш мақсадида ўзининг Қуролли
кучларини кучайтирилган шай ҳолатга келтирганини хабар қилди.
Эрон
президенти девонининг сиёсий масалалар бўйича ўринбосари Муҳаммад Жамшидий Х
ижтимоий тармоғида эълон қилинган хабарида: “Эрон АҚШ раҳбариятини ёзма
хабарида (Исроил Бош вазири) тузоғига тушмаслик ҳақида огоҳлантирган. Бенямин)
Нетаняху. Урилмаслик учун ён томонга ўтинг. Бунга жавобан Қўшма Штатлар Эрондан
Америка нишонларига ҳужум қилмасликни сўради”, - деб ёзди.
.png)
Мавзуга алоқадор
-
Исроил ҳарбий самолётлари Сурия пойтахтидаги Эрон консуллиги биносига ракета зарбасини берди. Натижада беш киши – дипломатлар ва ҳарбий маслаҳатчилар, жумладан, Эрон Ислом инқилоби қўриқчилари корпуси генерали Муҳаммад Ризо Зоҳидий ҳалок бўлди. Бино тўлиқ вайрон бўлган.
-
Исроил Эроннинг Суриядаги консулхонасига ҳаво ҳужумини уюштириб, бир қанча генералларини ҳалок қилганидан сўнг расмий Теҳрон тез орада бунга муносиб ва шиддатли жавоб беришга ваъда қилди. Исроил матбуоти 48 соат ичида Эрон ҳудудидан ҳужумлар бўлиш эҳтимоли ҳақида хабар тарқатди ҳам. Бироқ Эрон Исроилга қарши уруш оча оладими?
