исроил
-
АҚШ, Исроил ва Украина Киевга саккизтагача Patriot ҳаво мудофаа тизимини етказиб бериш бўйича музокаралар олиб бормоқда. Мутахассислар агар ҳаво ҳужумидан мудофаа тизими Киевга топширилса, бу мамлакатнинг мудофаа қобилиятини сезиларли даражада оширишини таъкидлашмоқда. Шунга қарамай, жуда эҳтиёткор ишғолчи ҳукумат Исроилнинг Украинага ёрдам кўрсатиш бўйича музокараларда иштирок этиши унинг Россия билан муносабатлари ёмонлашишига олиб келишидан қўрқяпти.
-
Собиқ Исроил элчиси Дэниел Кармон Ҳиндистонга сионистлар олдидаги қарзларини эслатиб қўйди. Кармоннинг айтишича, 1999 йилги Ҳиндистон ва Покистон уруши пайтида Исроил ҳиндларни қўллаган камсонли давлатлардан бири бўлган. Энди эса уларнинг қарзини тўлаш пайти келган. Эътиборлиси, Кармоннинг ушбу баёноти Ҳиндистон Ғазодаги бегуноҳ фаластинликларни қириш учун ишғолчиларга учувчисиз учоқлар ва артиллерия снарядларини етказиб бераётгани фонида пайдо бўлди.
-
Сунний курдлар партияси HÜDA-PAR Туркия парламентига Исроилдаги урушда қатнашаётган мамлакат паспортига эга барча яҳудийларни фуқароликдан маҳрум этиш ҳақидаги қонун лойиҳасини тақдим этди. Маълум бўлишича, Туркия фуқароси бўлган 4 минг яҳудий нафақат Исроилда ҳарбий хизматни ўтаган, балки Ғазога бориб, бегуноҳ фаластинликларни қирғин қилишда қатнашган. Аниқланишича, уларнинг аксарияти ишғолчи давлатга Туркиядан эмас, балки учинчи давлатлар орқали ўтган. Қотиллар ўзларини фош қилмаслик учун турли исмлардан фойдаланган.
-
Жанубий Кореяда 5000 дан ортиқ киши Исроил бош вазири Беньямин Нетаняху, президент Исаак Герцог, ЦАХАЛ раҳбари Ҳалеви, мудофаа вазири Галлант, ташқи ишлар вазири Кац, молия вазири Смотрих ва миллий хавфсизлик вазири Бен Гвирдан иборат етти нафар юқори мартабали амалдорга нисбатан даъво қўзғатди. Улар геноцид, инсониятга қарши жиноятлар, инсонпарварлик ишларига қарши уруш жиноятлари ҳамда Ғазода тақиқланган қурол ва маблағлардан фойдаланган ҳолда уруш жиноятларини содир этишда айбланмоқда.
-
Расмий Анқаранинг Тель-Авив билан тўғридан-тўғри савдо алоқаларни тўхтатиш қарорига қарамай, турк компаниялари Греция каби учинчи давлатлар орқали Исроил билан савдо қилишда давом этяпти. Маълумотларга кўра, май ойида Туркиянинг Грецияга экспорти ўтган йилга нисбатан 71 фоизга ошиб, 375 миллион долларга етган.
-
Ғазодаги қатлиомдан сўнг Буюк Британия Исроилга қурол сотишни кескин камайтирди. Қайд этилишича, қурол экспорти бўйича берилган рухсатномаларнинг сони урушдан олдинги кўрсаткичга нисбатан 95 фоизга тушган. Шунга қарамай, ташқи сиёсатда ўзининг айёрона ҳаракатлари билан машҳур бўлган қироллик Ғазо секторида қирғинбарот уруш бошланганидан бери яҳудий давлатига 100 дан ортиқ қурол экспорти лицензиясини тасдиқлаган.
-
Ўтган ҳафта АҚШ Ғазода давом этаётган геноцид фонида Исроил ва араб генераллари билан яширин учрашгани маълум бўлди. Унда Иордания, Миср, Баҳрайн, Саудия Арабистони, БАА генераллари, шунингдек, АҚШ Марказий қўмондонлиги (CENTCOM) қўмондони Майкл Курилла ҳамда босқинчи давлат штаб бошлиғи Герци Халеви иштирок этган. Араб давлатлари разведка маълумотларини алмашиш ҳамда Исроилга қарата отилган ракета ва дронларни уриб тушириш вазифасини олган.
-
Ўтган ҳафта кучли ўққа тутилган Исроил армияси матбуот котиби Даниэль Ҳагари Исроил Ҳизбуллоҳга қарши қуруқликдан ҳужум бошлаши мумкинлигини айтиб чиқди. Унинг иддаосича, қаршилик ҳаракатининг кучайиб бораётган ҳужуми сионистларни шунга "мажбур қиляпти". Маълумот учун, олдинроқ ишғолчи давлат Ливан гуруҳи қўмондонларидан бири Толиб Абдуллоҳни ўлдирганди. Қаршилик ҳаракати бунга жавобан босқинчиларга қарата 200 дан ортиқ ракета учирди.
-
Исроил бош вазири Биньямин Нетаньяху ҲАМАС қаршилик ҳаракатининг сионистларга ҳужумидан сўнг тузилган ҳарбий вазирлар маҳкамасини тарқатиб юборди. Тегишли қарор Исроил собиқ мудофаа вазири Бенни Ганц ҳарбий вазирлар маҳкамасидан истеъфога чиқишини эълон қилганидан кейин қабул қилинган. Унинг ортидан Исроил мудофаа кучлари бош штаби собиқ бошлиғи Гади Айзенкот ҳам ҳарбийлар кабинетини тарк этган.
-
Исроил Ғазо секторида босқинчилик ва қирғинбарот урушини бошлаганига 253 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.