Охирги бир ой ичида АҚШнинг Суриядаги базаларига камида 83 маротаба ҳужум уюштирилди. Конико газ заводи ва Дайр-аз-Зордаги Умар нефть кони, Ҳасакадаги Седдади, Ҳимо ва Хараб Жир базалари, шунингдек, Хомсдаги Ат-Танф базаси ҳужумлар нишонига айланди.

Нигерда ҳокимият тепасида турган ҳарбийлар Америка контингентининг мамлакатда қолишига имкон берувчи келишувни бекор қилди. Муваққат ҳукумат вакили Амаду Абдраманнинг таъкидлашича, мамлакатга музокаралар учун келган АҚШ делегацияси дипломатик протоколга риоя этмаган, ўзининг ташрифи тафсилотини олдиндан маълум қилмаган.

АҚШ Яқин Шарқдаги Америка қўшинларини Эроннинг эҳтимолий ҳужумларидан ҳимоя қилиш мақсадида минтақага қўшимча кучларни юбормоқда.

Нигер фуқаролари мамлакат шимолидаги АҚШ қўшинларини мамлакатдан чиқариб юборишни талаб қилиб намойиш уюштирди. Намойишлар ҳарбий раҳбарият Ғарбдан узоқлашиб, Россияга яқинлашиш сиёсати доирасида АҚШ билан ҳарбий келишувдан чиқиш режасидан сўнг бошланди.

Нигер бош вазири Али Ламин Зейн АҚШнинг ҳараракатлари қўшинларининг Нигердан чиқариб юборилишига сабаб бўлганини маълум қилди. "Америкаликлар бизнинг тупроғимизда қолди ва террорчилар одамларни ўлдириб, шаҳарларни ёқиб юборганида ҳеч нарса қилмади", - деди у.

АҚШ Иорданияга 3813 аскарини жойлаштирди – бу декабрь ойига нисбатан қарийб 20 фоизга кўп. Америка аскарлари сонининг ортиши Исроилнинг Ғазодаги қирғини фонида юз бермоқда. Таъкидланишича, бу Иорданияни АҚШ ва Эрон ўртасидаги тўқнашувлар нуқтасига айлантириши мумкин. Америкалик ҳарбийлар мамлакатдаги ҳарбий объектларга тўсиқсиз кириш имконига эга.

Ироқ ва Қўшма Штатлар халқаро коалиция миссиясини 2025 йилнинг сентябригача якунлашини эълон қилди. Бироқ Вашингтон бу "ҳали қўшинларни олиб чиқиш эмас"лигини таъкидлади.