Ўзбекистонлик ҳожилар 22 июнь-12 июль кунлари мамлакатга қайтади. Жиддадан 10 та ҳудуд – Тошкент, Наманган, Фарғона, Бухоро, Самарқанд, Қарши, Термиз, Навоий, Нукус ва Урганч шаҳарларига тўғридан-тўғри “Uzbekistan Airways” авиқатновлари йўлга қўйилади.

Хитой уйғурлар ва бошқа туркий халқлар истиқомат қиладиган аҳоли пунктлари номларини ҳукумат ташвиқотини акс эттирувчи номларга ўзгартирмоқда. Ҳуқуқ ҳимоячиларига кўра, шу вақтга қадар туркий ёки исломга алоқадор бўлган 630 та қишлоқ номи ўзгартирилган.

Қозоғистон Украина бўйича саммитда иштирок этмаганини "қўшни давлат халқаро тадбирлар жадвали тиғизлиги" билан боғлади. ТИВ вакили расмий Остонанинг якуний декларацияга қўшилиш имкониятлари ҳақидаги саволга жавоб бера туриб, "саммитда иштирок этмагани учун бу борада ҳеч нима дея олмаслиги"ни қўшимча қилди.

Россия Қозоғистонда рус мактабларини қуриш бўйича келишувга эришди. РФ Давлат думаси раисининг биринчи ўринбосари Александр Жуковга кўра, мамлакатда учта мактаб қурилиши бўйича лойиҳа тасдиқланган. Маълумот учун, жорий йилнинг февралида Россия президенти Владимир Путин Федерал Мажлисга қилган мурожаатида хорижда рус тилини тарғиб қилишни кучайтиришни буюрганди.

Германия ҳукумати қочқин мақомини олиш ҳуқуқига эга бўлмаган афғонларни Толибон билан тўғридан тўғри келишувларсиз ортга қайтармоқчи. "Spiegel" журналининг ёзишича, афғонлар Тошкентдан Kam Air хусусий авиакомпанияси орқали Кобулга етказилиши мумкин. Маълумот учун, Германияда бошпана олиш ҳуқуқига эга бўлмаган муҳожирларни чиқариб юбориш масаласи афғон фуқароси Мангеймда Исломни танқид қилувчи ташкилот митингига ҳужум қилганидан кейин яна кун тартибига қайтган эди.

Туркия бугун Парижда бошланадиган Европанинг энг йирик мудофаа саноати кўргазмаларидан бири – Eurosatory'да биринчи марта ўзининг ҳайдовчисиз ҳаракатланадиган зирҳли транспорт воситаси – ALPAR'ни намойиш этади. Унинг максимал оғирлиги 15 тонна бўлиб, гибрид электр қуввати туфайли ҳарбий машина шовқинсиз ҳаракатланиш имкониятига эга. Автоном транспорт воситаси душман ёки террорчи позицияларига қарата ўт очиши, душман техникалари ёки объектларини асосий қуроллар ёки бошқариладиган ракеталар ёрдамида йўқ қилиши мумкин.

Бугун, Қурбон ҳайити муносабати билан Туркиянинг дин ишлари бўйича бошқармаси ва диний жамғармаси (ТДЖ) иштирокида 1500 бош чорва моллари қурбонлик қилинди. Маълумот учун, бир йилдан буён фуқаролик урушидан азият чекаётган 50 миллион аҳолига эга Суданда 15 минг тинч аҳоли қурбон бўлди, 25 миллион киши очликдан азият чекмоқда ва 11 миллион киши ўз уйларини тарк этган. Украинадаги уруш ҳақида жар солаётган халқаро ҳамжамият Судандаги мавжуд ҳолатга кўз юммоқда.

Президент Шавкат Мирзиёев Қурбон ҳайити муносабати билан Ўзбекистон халқига табрик йўллади. У шу кунларда Ҳаж зиёрати сафарида бўлган 15 минг нафар ўзбекистонликни ҳам тилга олиб, зиёратчиларнинг ҳаж ибодатларини тўлиқ адо этиб, ватанга соғ-омон қайтиб келишларини тилаган.

Ўзбекистон президенти Шавкат Мирзиёев ва Жанубий Корея президенти Юн Сок Ёль Алоҳида стратегик шерикликни янада чуқурлаштириш ва ҳар томонлама кенгайтириш тўғрисидаги қўшма баёнотни имзолади. Мамлакатлар ўртасида жами 17 та ҳужжат имзоланди.

Гуруҳда 9 киши бўлган ва улардан 8 нафари 2023 йилда фош этилган. Улар махфий ҳукумат маълумотларини қўлга киритиш, шунингдек, сиёсий-ҳарбий жосусликда айбланяпти. Тармоқ раҳбари суғурта компанияси эгаси Аҳмед Эрсин Тумлужали бўлиб, тергов пайтида у “жосуслик фаолияти” учун 300 минг еврогача ҳақ олишини маълум қилган.