Ўзбекистонлик ҳожилар 22 июндан қайтишни бошлашади
“Ҳаж – 2024” мавсуми ибодатларини ниҳоясига етказаётган ҳожилар 22 июнь – 12 июль кунлари Ўзбекистонга қайтиб келади. Бу ҳақда Мусулмонлар идораси матбуот хизмати хабар қилди.
Ўзбекистонликлар
Жидда шаҳридан 10 та ҳудуд – Тошкент, Наманган, Фарғона, Бухоро, Самарқанд,
Қарши, Термиз, Навоий, Нукус ва Урганч шаҳарларига “Uzbekistan Airways”нинг
тўғридан-тўғри авиқатновлари орқали қайтиб келадилар.
Ташиш
ишларига “Uzbekistan Airways” акциядорлик жамиятидан малакали учувчи ва борт
кузатувчилари жалб этилган. Ҳожиларга ҳаво саҳнида турли таом ва ичимликлар
тақдим этилади.
Эслатиб
ўтамиз, 23 май куни Ўзбекистондан илк зиёратчилар Ҳаж амалларини бажариш учун
Саудия Арабистонига учган эди. 7 июнга қадар Ўзбекистон шаҳарларидан Мадина
шаҳрига жами 124 та чартер авиақатнови орқали 15 130 нафар йўловчи ташуви
амалга оширилди.
.png)
Мавзуга алоқадор
-
23 май куни «Ҳаж-2024» дастури доирасида 240 нафардан иборат илк ўзбекистонлик зиёратчилар гуруҳи Тошкентдан Мадинага учди. Уларни президентнинг дин ва миллатлараро муносабатлар масалалари бўйича маслаҳатчиси Музаффар Камилов, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Дин ишлари бўйича қўмитаси раиси Содиқжон Тошбоев ва бошқалар кузатиб қўйди.
-
Бугун, Зулҳижжа ойининг саккизинчи – Тарвия кунида кўплаб зиёратчилар ҳаж ибодатининг асосий амалларини бажариш учун Мино водийсига йўл олди. Қайд этилишича, одамларни ташиш учун 12 000 га яқин автобус ажратилган. Зиёратчилар шанба – ҳажнинг иккинчи куни Арафат тоғига йиғилишади. Арафатда дуолар ижобат бўлиши таъкидлангани учун унда "Раҳмат тоғи"га юзланиб Аллоҳ Таолога ёлбориш, тавба-тазаррулар қилиш, раҳмат-мағфират сўраш суннат амаллардандир.
