Тармоқларда ҲАМАС сиёсий бюроси раҳбари Исмоил Ҳания ҳалок бўлгани айтилаётган бино тасвирлари пайдо бўлди. Тасвирларда бинонинг фақат Ҳания ва тансоқчиси бўлган қисми зарарланганини кўриш мумкин. Ушбу тасвирлар ҳақиқат бўлса, маълумот ички разведка томонидан Исроилга тақдим этилганидан дарак беради.
ҲАМАС сиёсий бюроси раҳбари Исмоил Ҳания Эрон пойтахти Теҳронда ўлдирилганидан сўнг унинг ўрнига ким ҳаракат раҳбарлигини эгаллайди, деган саволлар пайдо бўлди. Экспертлар уч кишининг номзодини тилга олишмоқда.
Британиянинг Саутпорт шаҳрида душанба куни рақс дарсида номаълум шахс болаларга ҳужум қилди, улардан уч нафари ҳалок бўлди, бир қанчаси яраланди. Ҳужумчининг Угандадаги геноциддан қочиб, Британияда паноҳ топган оиланинг 17 ёшли ўғли амалга оширгани айтилмоқда. Ҳодисадан сўнг шаҳарда тартибсизликлар рўй берди, юзлаб ўта ўнг экстремистлар Islam Society масжидига ҳужум уюштирди.
Ливан матбуотининг ёзишича, Исроил ҲАМАС сиёсий бюроси раҳбари Исмоил Ҳанияни ўлдиришда учинчи давлат ёрдамидан фойдаланганини ёзмоқда. Маълумотларга кўра, учинчи давлат ҳудудидан бошқарилувчи снаряд учирилган.
ҲАМАС етакчисининг Исроил томонидан ўлдирилиши дунё кун тартибини ўзгартириб юборди. Етакчи мамлакатлар раҳбарлари, ташқи сиёсат идоралари ва ташкилотлар ўз муносабатини билдирмоқда.
Британия ҳукумати афғон қочқинларини мамлакат ҳудудидаги оилалари билан бирлаштириш мақсадида Ички ишлар вазирлигининг Афғонистонликларни қайта жойлаштириш дастури муддатини узайтирмоқчи. Ҳозиргача ушбу дастур бўйича Британияга 6500 га яқин афғон келган, улар орасида аёллар ҳуқуқлари фаоллари, журналистлар ва прокурорлар бор.
Эрон парламентининг Миллий хавфсизлик қўмитаси ҲАМАС ҳаракати Сиёсий бюроси раиси Исмоил Ҳаниянинг Теҳронда ўлдирилгани муносабати билан навбатдан ташқари йиғилиш ўтказади. Эрон президенти Масуд Пезешкиян Ҳаниянинг ўлдирилишига изоҳ берди.
АҚШнинг Филадельфия штатида масжидга кетаётган эркак номаълум шахс томонидан отиб ўлдирилди. Қотил қурбони ерга йиқилганидан кейин ҳам отишни тўхтатмаган ва сўнг машинасида қочиб кетган. Ҳозирда полиция томонидан тергов ишлари олиб борилмоқда.
Исроил ҳарбий учоқлари Ҳизбуллоҳнинг юқори мартабали қўмондонларидан бири, Ҳасан Насруллоҳнинг катта ҳарбий маслаҳатчиси ва юқори аниқликдаги ракета лойиҳаси раҳбари Фуад Шукрни ўлдириш мақсадида Ливан пойтахти Бейрут шаҳридаги бинолардан бирига ҳужум уюштирди. Манбаларга кўра, Фуад Шукр ҳужумдан аввалроқ бинони тарк этган, ҳодисада уч киши – бир аёл ва икки бола ҳалок бўлди, кўплаб инсонлар жароҳатланди.
Эроннинг янги сайланган президенти Масъуд Пезешкияннинг иннагугурация маросимида иштирок этиш учун Теҳронга борган ҲАМАС сиёсий бюроси раҳбари Исмоил Ҳанияга суиқасд уюштирилди. Ҳания ва унинг бир тан соқчиси ҳалок бўлди.