Покистондаги миллий сайловларда қамоқдаги собиқ бош вазир Имрон Хоннинг Покистон Адолат учун Ҳаракати 98 та ўрин билан етакчилик қилмоқда. 8 февралда бўлиб ўтган умуммиллий сайловлар натижаларини ҳисоблаш давом этмоқда.
2023 йилда Тожикистондан маҳсулот экспорти 2 миллиард 448,8 миллион долларга етди, бу 2022 йилга нисбатан 14,3 фоизга кўпдир. Мамлакатнинг 2023 йилда энг муҳим экспорт товарлари қуритилган мевалар, алюминий ва қимматбаҳо металлар бўлди.
ЮНИСЕФ Суданда давом этаётган қуролли можаролар ва тўйиб овқатланмаслик туфайли камида 700 минг бола ўлим хавфи остида эканини маълум қилди.
Moody's Халқаро кредит рейтинг агентлиги Исроилнинг кредит рейтингини «А1»дан «А2»га туширди ва кредит рейтинги прогнозини салбийга ўзгартирди. Агентлик ҳарбий можаро ва унинг кенгроқ оқибатлари рейтингни пасайтиришнинг асосий сабаби бўлгани, бу ҳолат Исроилнинг ижро этувчи ва қонун чиқарувчи институтлари ҳамда молиявий кучини заифлаштириш хавфини ошираётганини қайд этди.
Ливандаги Ҳизбуллоҳ ҳаракати Исроил томонидан босиб олинган Голан тепаликлари томон ўнлаб “Катюша” ракеталари отилганини хабар қилди. Ўз навбатида, Исроил армияси учирилган ракеталарнинг кўп қисмини тутиб олгани ва ҳеч қандай талофат йўқлигини маълум қилган.
Исроил томонидан Ғазо секторида қатлиом бошланганига 127 кун бўлди. Ўтган куннинг асосий воқеалари.
Мисрликларнинг мустамлакачилик, зулм эксплуатацияни танқид қилиш имконияти мустақиллик қўлга киритилганига қадар кўпроқ ва кучлироқ эди. Мустамлакачилар ўрнини миллий ҳокимият эгаллагач эса, фуқароларнинг имкониятлари, ҳуқуқлари ва ҳаракатлари кўлами анча қисқарди. Эркинликлар, ҳуқуқлар ва бурчлар руҳига йўғрилган конституциялар билан мавжуд аччиқ воқелик ўртасида бўшлиқ ҳали ҳам бор ва кенгайиб бормоқда. Ҳозир мавжуд бўлгани олдингисидан ёмон, келажакдаги эса иккаласидан ҳам ёмонроқ. Мисрнинг яқин ўтмиши, мустақилликни қўлга киритиши ва ундан кейинги даври – Azon Global нигоҳида.
Дунёнинг йирик логистика компаниялари Қизил денгиздаги юк ташиш хавфсизлиги билан боғлиқ вазият АҚШ ҳусийларга қарши ҳарбий амалиётлар бошлаганидан кейин фақат ёмонлашганини таъкидламоқда.
Исроиллик ҳарбий шифокор Исроил армияси Ғазо секторидаги уйларни талон-тарож қилгани ва ёқиб юборгани ҳамда фаластинлик маҳбусларни судсиз қатл қилгани ҳақида сўзлаб берди. Унинг сўзларига кўра, Исроил ҳарбийлари ғазоликларнинг уйларидан кўп сонли матраслар, газ плиталари, болалар ўйинчоқлари, чангюткичларгача ўғирлашган.
Америкалик телебошловчи Такер Карлсон ўз сайтида Россия президенти Владимир Путин билан икки соатлик суҳбатни эълон қилди. “Украина денафикацияси”, 2014 йилда Украинадаги “давлат тўнтариши”, тинчлик музокаралари, АҚШдаги сайловлар билан боғлиқ вазият, Россия ва Хитой ўртасидаги муносабатлар суҳбатнинг асосий мавзулари бўлди.