Исроиллик шифокор: Исроил аскарлари Ғазодаги уйлардан ҳатто чангюткичларни ўғирлашди
“Едиот Ахронот” газетаси бош таҳлилчиси Нахум Барнеа яқинда Ғазо секторида икки ойлик ҳарбий хизматни ўтаб бўлган захирадаги десантчилар бригадаси шифокорининг мактубини эълон қилди.
Барнеа, шифокорнинг исмини ошкор қилмасдан, у «сўзма-сўз»
мактубни келтирганини таъкидлади.
Шифокорнинг айтишича, 7 октябрь воқеалари исроилликларда
ғазаб ва қасос туйғуларини уйғотган ҳамда унга ҳам таъсир қилган бу туйғулар ҳарбийларни
«қўзғолон»га олиб келган. Унга кўра, “армия кучлари Ғазода уйларни талон-тарож
қилган ва ёқиб юборган, маҳбусларни қатл қилган”.
Исроил аскарлари
ҳатто Фаластин уйларидан чангютгичларни ўғирлашади
“Талончилик деярли институционал ҳолга келди”, деб ёзган исроиллик ҳарбий
шифокор. “Бу уйлардан
кўп сонли матраслар, газ плиталари ва газ баллонларини мусодара қилиш билан
бошланди, болалар
учун стол ва кичик ўйинчоқлар каби кичик нарсаларни ҳам олиб кетиш билан давом этди. Кичикроқ ва интизомсизроқ кучлар телефонлар,
чангютгичлар, мотоцикллар ва велосипедларни ўғирлаган”.
У содир бўлаётган воқеалардан уялганини ва "бир нуқтада
уни безовталик сифатида қабул қилгани учун изоҳ сўрашни тўхтатганини" таъкидлади.
Исроиллик ҳарбий шифокорнинг айтишича, Исроил армияси зарар етказиш ниятида операциялар
ўтказган.
Исроиллик шифокорнинг қўшимча қилишича, талончилик ва ўт
қўйиш армияда тартиб-интизом йўқлигидан далолат беради.
“Армия кучлари вақти-вақти билан уйларга ўт қўя бошлади,
аммо бригада командири бу унинг учун муаммо эмаслигини айтди. Аскарлар
тарқатаётган сиёсий –
аксарияти ўнг қанот ва кўпинча экстремистик бўлган хабарлар учун қарийб
ҳеч қандай тўсиқ йўқ. Раҳбарият эса бунга кўз юммоқда”, - дейди у.
Исроил ҳарбийлари
фаластинлик маҳбусларни қатл қилмоқда
Шифокор Ғазодаги тўқнашувларда қўлга олинган Иззеддин
ал-Қассам бригадасининг 5 нафар аъзосидан бирининг оёғи синганини айтди. У даволаниш пайтида
ҳарбийларнинг салбий муносабатига дуч келганини таъкидлаб, унга ёрдам берган. Тўқнашувдан сўнг
исроиллик аскарлардан бири фаластинлик маҳбусни ўлдирган.
Унга кўра, исроиллик қўшинлар сўроқ пайтида асирга олинган
«Қассам» гуруҳининг яна бир аъзосини отиб ташлаган.
"Ўзим
пацифист эмасман,
лекин Исроил ҳарбий кийимини кийганлар борадиган жойларида барча чегаралардан ўтиб кетмоқда", ‑ дея таъкидлади шифокор.
Газетасининг
бош таҳлилчиси сўзларига
кўра, бундай воқеалар тез-тез учраб туради. У Ливан билан чегарадаги
эвакуация қилинган Исроил шаҳарларида ҳам шунга ўхшаш ҳодисалар ҳақида эшитган.
Ғазо ҳукумати матбуот хизмати баёнотида, "босқинчи
армия Ғазо секторига қарши геноцид уруши пайтида 3000 та уйни ёқиб юборганини маълум қилди.
Исроилнинг Haaretz газетаси 1 февраль кунги хабарида фаластинликларга
қарашли юзлаб уйлар Исроил аскарларининг ҳужумлари натижасида тузатиб бўлмас
даражада зарар кўргани айтилган.
Бу маълумотларга кўра, Исроил армияси қўмондонлари “қонуний
рухсатисиз” ҳарбийларга 7 октябрдан бери ҳужум остида бўлган Ғазо секторидаги
ташландиқ уйларни ёқишни буюрган.
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
