Исроил Ғазо секторида босқинчилик урушини бошлаганига 151 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар дайжести.
Испания ташқи ишлар вазири Хосе Мануэл Албарес ўз мамлакати Ғарбий Соҳилдаги “12 тажовузкор исроиллик кўчманчилардан иборат биринчи гуруҳ”га қарши санкция жараёнини бошлаганини маълум қилди. “Сукут ва ҳаракатсизлик ҳар доим жабрдийдаларнинг зарарига ишлайди”, деди мусулмон давлатларда йўқ журъат ва иродани намоён этаётган Испания вакили.
Германиянинг Аахен шаҳрида 65 ёшли аёл касалхонада одамларни гаровга олди. Шифохонада махсус операция ўтказилиб, аёл қўлга олинган. Жиноят сабаблари ҳозирча маълум эмас.
Ишғол остидаги Фаластиннинг Қуддус шаҳрида америкалик дипломат ўлик ҳолда топилди. Дипломатнинг ўлими бўйича шубҳали ҳеч нарса йўқлиги маълум қилинди.
Саудия Арабистони ҳукумати санитария меъёрлари сабабли масжидлар ичида ифторлик ўтказиш тақиқланганидан сўнг Макка ва Мадина шаҳарларидаги ифторликлар масжидлар ташқарисида ўтказилиши маълум қилинди. Шунингдек, имом ва муаззинларга Рамазон ойида ифторлик уюштириш учун моддий эҳсон йиғиш чекланди.
Россия Хавфсизлик кенгаши раиси, собиқ президент Дмитрий Медведев Сочида бўлиб ўтган ёшлар фестивалида Украина Россияники эканини айтиб, РФ чегараларининг кенгайтирилган харитасини кўрсатди. Унда Украина ҳудудининг катта қисми Россия, Польша, Руминия ва Венгрия ўртасида бўлиб олинган бўлиб, Киев вилояти катталигидаги қисми “Украина” деб кўрсатилган.
Исроил Ғазо секторида босқинчилик урушини бошлаганига 150 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда Яқин Шарқ ҳудудида содир бўлган асосий воқеалар дайжести.
Ингушетиянинг Қорабулоқ шаҳрида Россия махсус кучлари томонидан аксилтеррор операцияси ўтказилди. Шанба оқшомида ушбу шаҳарда қуролланган гуруҳ яширинган кўп қаватли уйлардан бирида отишма содир бўлди. Махсус операция режими амалда қолиши маълум қилинди.
Исроил яна бир бор гуманитар ёрдам кутаётган фаластинликларга зарба берди. Гуманитар ёрдам олиб кетаётган юк машинасига ҳужум қилиниши оқибатида 9 киши ҳалок бўлди, ўнлаб кишилар жароҳатланди.
Туркиянинг Анталия вилоятида бўлиб ўтган 3-дипломатик форум иштирокчилари БМТ, БМТ Хавфсизлик Кенгаши ислоҳотга муҳтож экани, улар дунёда рўй бераётган ўзгаришлар фонида турғунлик ҳолатида экани ҳамда қуролли можароларда тобора кўпроқ тинч аҳоли вакиллари қурбон бўлаётганини таъкидлашди.