-
Ислом тараққиёт банки 2024-2028 йилларда Ўзбекистоннинг Самарқанд, Сурхондарё ва Қашқадарё вилоятларида қишлоқлар инфратузилмасини яхшилашга 20 йил муддатга 260 млн долларлик имтиёзли қарз ажратади.
-
Қозоғистоннинг турли вилоятларида рўй берган сув тошқинлари сабабли 12,7 мингдан зиёд киши, жумладан, 5101 нафар бола хавфли жойлардан кўчирилди. Тошқинлар сабабли Россия-Қозоғистон чегарасидаги маҳаллий ва халқаро аҳамиятга эга йўллар тўсилиб қолди.
-
Қуддусда Исроил ва ҲАМАС ўртасидаги уруш бошланганидан бери энг йирик норозилик намойиши бўлиб ўтди. 100 мингдан зиёд киши қатнашган намойиш ташкилотчилари ҳукумат истеъфосини талаб қилиб, Ғазо секторида гаровда бўлган 130 нафар исроилликни озод қилишга олиб келадиган келишувга рози бўлишга чақирмоқда. Норозилик ҳаракатлари вакиллари бу ҳафта Қуддус бўйлаб тўрт кунлик митинг ва тадбирлар ўтказишни режалаштирмоқда.
-
Туркияда 31 март куни бўлиб ўтадиган маҳаллий сайловлар учун берилган овозларни санаш якунига етмоқда. Норасмий маълумотларга кўра, мухолифатдаги Республика Халқ партияси (CHP) ҳукмрон Адолат ва тараққиёт партиясидан (Ak Parti) бироз олдинда.
-
Яқинларимиздан бири, қўшнимиз, маҳалладошимиз, юртдошимиз ва ёки бир нотаниш одам ҳозир оч, чанқоқ, ёлғиз, бемор, қаровга муҳтож бўлиши мумкин. Биз эса “Шу чоғда ҳам камбағал, эҳтиёжманд қолдими?” деб ҳайратланамиз. Дастурхон тузаганимизда ширину нордон, аччиғу шўр, қуюғу суюқ, фойдалию зарарли демай, исрофу уволни ўйламай егуликларни тўкиб ташлаймиз. Ифторлик ўтказишда кимўзар мусобақаларига киришганмиз. Унга қорни тўқларни чақирамиз. Ифторлик, эҳсон каби Аллоҳ розилиги учун қилинажак ишлардан қўлимиз қанчалик узунлигини кўз-кўзлаш учун фойдаланамиз.
-
“Крокус” воқеаларидан сўнг Россияда исломофобия ва тожикларга қарши нафрат ҳодисалари ортиши ортидан тожикистонликлар оммавий равишда Россияга сафарларини бекор қилмоқда. Россия авиакомпаниялари йўловчилар оқими кескин камайгани сабабли Тожикистондан РФга парвозлар сонини қисқартирмоқда.
-
Сенегалнинг янги сайланган президенти Бассиру Диомайе Фэй тарихий мурожаатида Франция ҳарбий кучларини мамлакатни тарк этишга чақирди. Президент Фэй Париж билан олдинги барча келишувларни қайта кўриб чиқиш зарурлигини таъкидлади.
-
Жанубий Кореянинг Booyoung компанияси ўз ходимларига оиласида туғилган ҳар бир бола учун 100 млн вон ($72,3 минг) бонус таклиф қилмоқда. Компания шу йўл билан мамлакатда туғилиш даражасини оширишга хисса қўшмоқчи. Мамлакатда туғилишнинг умумий коэффициенти 2022 йилдаги 0,78 дан 2023 йилда 0,72 промиллега тушди. 2024 йилда 0,68 га ва 2025 йилда 0,65 га тушиши прогноз қилинмоқда, бу барқарор аҳолини таъминлаш учун зарур бўлган 2,1 промилледан анча паст.
-
Европа Иттифоқи Киев кутаётган Россия активларидан олинган 5 млрд евролик даромадни сақлаб қолишга қарор қилди. Ушбу маблағлар “юридик харажатларни қоплаш учун” ушлаб қолинадиган бўлди.
-
Шавкат Мирзиёев ҳуқуқни муҳофаза қилувчи органлар ва куч тузилмалари раҳбарлари иштирокидаги йиғилишда ИИВ ва Миллий гвардияга аҳоли гавжум жойларда содир этилиши мумкин бўлган террорчилик ҳаракатларининг олдини олишга қаратилган таъсирчан чораларни кўришни топширди.