AQShda 13 yoshli musulmon oʻquvchi qizga boshini kesib tashlash bilan tahdid qilgan 51 yoshli oʻqituvchi hibsga olindi.

AQShning Nʻyu-Jersi shtatida masjid imomiga oʻqotar quroldan hujum qilindi, u ogʻir tan jarohati bilan kasalxonaga yotqizildi.

Garvard universitetining sobiq rahbari OTM hududida Falastinni qoʻllab oʻtkazilgan aktsiyalar ortidan haqorat va oʻlim tahdidlariga uchraganini bildirdi.

Kanada bosh vaziri Jastin Tyurdo mamlakatda islomofobiya holatlari ortib borayotganidan xavotir bildirdi. U hukumat fuqarolar “oʻz uylarida, mahallalarida va ibodat joylarida oʻzlarini xavfsiz his qilishlari” uchun barcha zarur saʻʻy-harakatlarni amalga oshirishini maʻʻlum qildi.

AQShning Garvard universiteti talabalari oliygoh rahbariyati kampus va sinfxonalarda islomofobiya holatlari, jumladan, falastinlik, arab va musulmon talabalarga qarshi tahdid va hujumlar eʻʻtiborsiz qoldirilayotgani ustidan shikoyat yoʻlladi. Talabalarga Amerika musulmonlar yuridik jamgʻarmasi koʻmak koʻrsatmoqda.

Rossiya prezidenti huzuridagi Inson huquqlari kengashi tijoriy va turar joy binolaridagi namozxonalarni yopish va taqiqlash masalasini koʻrib chiqmoqda. Bunga ushbu namozxonalarning aholiga noqulaylik tugʻdirayotgani sabab qilib koʻrsatilmoqda.

AQShda Bert Jeyms Beyker ismli shaxs Falastinni qoʻllab‑quvvatlab oʻtkazilgan namoyishdan qaytayotgan amerikalik musulmonlarga pichoq bilan hujum qilib, ulardan birini jarohatladi. Amerika-Islom munosabatlari kengashi unga nisbatan nafrat bilan bogʻliq jinoyat boʻyicha ayblov qoʻyishga chaqirdi.

Germaniyada maqsadi ozchilik musulmonlar manfaatlarini himoya qilishdan iborat boʻlgan “Xilma xillik va uygʻonish uchun demokratik alʻyans” (DAVA) nomli yangi siyosiy partiya paydo boʻldi.

Avstriyaning “Sotsial Avstriya kelajagi” (SÖZ) partiyasi Vena tumanlaridan birining koʻchalarini Ramazon munosabati bilan bezatishni taklif qilib chiqdi. Biroq ushbu taklif boshqa partiyalarga yoqmadi va siyosiy qarama-qarshilikni keltirib chiqardi. 200 ming musulmon yashaydigan Venada Islom 560 ming kishi eʻʻtiqod qiladigan katolik dinidan keyingi ikkinchi yirik din hisoblanadi.

Britaniya hukumati “ayrim antimusulmon kuchlarning keskinlikni keltirib chiqarishiga yoʻl qoʻymaslik uchun” britaniyalik musulmonlarni himoya qilishga 4 yil davomida 117 million funt sterling (taxminan 150 million dollar) ajratishga qaror qildi. Yangi mablagʻ masjidlar, musulmon diniy maktablari va boshqa jamoat markazlarini qoʻllab-quvvatlashga sarflanadi.