2014 yil iyunʻ oyida Iroqning Mosul va boshqa hududlarini qoʻlga kiritgan IShID terror tashkiloti Tal Afar tumanida xalq tili bilan “Doʻzax qudugʻi” deb ataladigan botiqqa 1000 dan ziyod tinch aholi vakillari, jumladan, bolalar va ayollarni oʻldirib, koʻmgan. Ular orasida Iroq turkmanlari vakillari ham bor. Bugungi kunda ushbu hududdagi ommaviy qabrlardan jasad qoldiqlari chiqarib olinib, DNK tekshiruvidan oʻtkazilmoqda va shaxslari aniqlanmoqda.

“Tolibon” Afgʻonistonga qoʻshni 3 davlatni IShIDga yordam berishda ayblab, biri IShIDni jangarilar bilan taʻʻminlayotgan boʻlsa, ikkinchisi ularni tayyorgarlikdan oʻtkazayotgani, uchinchisi esa moliyalashtirayotganini maʻʻlum qildi. Ushbu davlatlar nomi ochiq aytilmagan boʻlsa ham, gap Tojikiston, Pokiston va Eron haqidagi ketayotgani aytilmoqda.

FSB Moskva, Ekaterinburg va Omsk shaharlarida “Krokus Siti Xoll”da sodir etilgan qoʻporuvchilik harakatida jangarilarni moliyalash va yollashda gumon qilingan ikki nafar markaziy osiyolik va bir Rossiya fuqarosini qoʻlga oldi.

Frantsiya razvedkasi Markaziy Osiyo davlatlari fuqarolari ustidan nazoratni kuchaytirdi. Moskvada sodir etilgan terakdan soʻng mamlakatda markaziy osiyoliklarning “katta toʻplanishlari” qayd etilgan. Shu sababli frantsuz razvedkasi oʻz eʻʻtiborini Turkmaniston, Qirgʻiziston va Qozogʻiston fuqarolariga yoppasiga qaratishga qaror qildi.

AQSh elchixonasi Frantsiyada ham terakt xavfi kuchayganidan ogohlantirdi. Elchixona hujumlar “ozgina ogohlantirish” bilan amalga oshirilishi mumkinligini taʻʻkidlab, fuqarolar va sayyohlarni, ayniqsa, odamlar gavjum joylarda oʻta hushyor boʻlishga chaqirmoqda.

Eronda Sulaymoniy qabri yaqinida 84 kishining oʻlimiga sabab boʻlgan ikkita portlash uchun javobgarlikni IShID oʻz zimmasiga oldi.