“Tolibon” 3 ta qoʻshni davlatni IShIDga yordam berishda aybladi
“Tolibon” Afgʻonistonga qoʻshni 3 davlatni IShIDga yordam berishda ayblab, biri IShIDni jangarilar bilan taʻʻminlayotgan boʻlsa, ikkinchisi ularni tayyorgarlikdan oʻtkazayotgani, uchinchisi esa moliyalashtirayotganini maʻʻlum qildi. Ushbu davlatlar nomi ochiq aytilmagan boʻlsa ham, gap Tojikiston, Pokiston va Eron haqidagi ketayotgani aytilmoqda.
“Tolibon”
tashqi ishlar vaziri Amirxon Muttaqiy Kobuldagi afgʻon-qozoq koʻrgazmasi ochilishida
Afgʻonistonga qoʻshni uch davlatni IShIDga yordam berishda aybladi.
Sputnik
Afgʻonistonning maʻʻlum qilishicha, Muttaqiy ularning nomini aniq aytmadi, biroq
biri IShIDni jangarilar bilan taʻʻminlashi, ikkinchisi uni tayyorlash bilan
shugʻullanayotgani, uchinchisi esa bularning barchasini moliyalashini taʻʻkidladi. Uning
soʻzlariga koʻra, Afgʻonistonda IShID uyalari yoʻq qilingan.
“Tolibon”
Tashqi ishlar vazirligi matbuot kotibi Abdul-Qahhor Balxiyning qoʻshimcha qilishicha,
Muttaqiy oʻz hududlaridan mos ravishda inson resurslari, tranzit, muvofiqlashtirish
va moliyalashtirish maqsadida foydalangan uch davlatni nazarda tutgan.
“Tolibon” razvedkasiga yaqin deb hisoblanuvchi Almirsaad
nashri gap Tojikiston, Pokiston va Eron haqida ketayotganini taxmin qilmoqda.
Avvalroq “Tolibon” etakchisi Haybatulloh Oxundzoda
IShID va boshqa guruhlarga qarshi kurash boʻyicha maxsus boʻlinma tuzishga buyruq bergani
xabar qilingan edi. Mazkur boʻlinmaga ishsiz “Tolibon” jangarilarini safarbar
qilish topshirilgan. Boʻlinma zamonaviy jihozlar bilan qurollantirilib, razvedka
maʻʻlumotlari asosida maxsus operatsiyalarni amalga oshiradi.
.png)
Mavzuga aloqador
-
Qozogʻiston “Tolibon”ni mamlakatda taqiqlangan tashkilotlar roʻyxatidan chiqarishini maʻʻlum qildi.
-
Mintaqada toʻsatdan paydo boʻlgan bozorni Oʻzbekiston birinchilar boʻlib toʻgʻri baholadi va bu imkoniyatni qoʻldan chiqarmadi.
