23 iyunʻ kuni kechqurun Dogʻistonning Maxachqalʻʻa va Derbent shaharlarida nomaʻʻlum shaxslar sinagoga va cherkovga hujum qildi. Dogʻiston IIV qora kiyimdagi qurolli shaxslar Maxachqalʻʻadagi politsiya postini ham oʻqqa tutganini bildirdi. Ijtimoiy tarmoqlarda tarqalgan videolarda ularning politsiya mashinalariga qarata avtomatdan oʻq uzayotganini koʻrish mumkin. Hujumchilar bilan otishmada olti politsiyachi halok boʻlgan, yana 12 kishi yaralangani aytilmoqda. Shuningdek, kamida ikkita jangchi otib oʻldirilgan.

Dogʻistonning Sergokalinskiy tumani rahbari Magomed Umarov qoʻlga olindi. Umarovning ikki oʻgʻli – Odil va Usmon Maxachqalʻʻa va Derbentdagi cherkov va sinagogaga uyushtirilgan hujumlarda qatnashgani, ikkalasi ham otib oʻldirilgani aytilmoqda. Ayni paytda Dogʻistonda terrorizmga qarshi operatsiya rejimi joriy etilgan: Maxachqalʻʻa va Derbentga kirish-chiqish yoʻllari toʻsib qoʻyilgan, politsiya mashinalarni tekshirmoqda.

Baza Telegram-kanali maʻʻlumotlariga koʻra, qurolli hujumda kamida besh nafar tinch aholi vakili jarohat olgan. Dogʻiston rahbari Sergey Melikov esa hujumni qaytarishda 15 dan ortiq xavfsizlik xodimlari, "Dagestanskie Ogni" shahri politsiya boʻlimi boshligʻi Mavluddin Xidirnabiev halok boʻlganini aytdi. Milliy aksilterrorchilik qoʻmitasi amaliyot davomida besh nafar qurolli shaxs oʻldirilganini maʻʻlum qilgan.

Dogʻiston rahbari Sergey Melikov “xavfsizlik nuqtai nazaridan” xotin-qizlarning yuzini berkituvchi kiyim, jumladan niqob taqishiga qarshi chiqdi. U burqani "Kavkaz xalqlariga xos boʻlmagan kiyim"ligini aytib, "erkaklar roʻmol ortiga yashirinishi, ayollar esa taqiqlangan narsalarni olib yurishi"ni qoʻshimcha qilgan.

Dogʻiston muftiyatining fatvo boʻlimi niqobni vaqtinchalik taqiqlash boʻyicha fatvo chiqardi. Unga koʻra, taqiq respublika aholisi xavfsizligiga tahdidlar mavjudligi sabab qilib koʻrsatildi va mazkur xavf-xatarlar bartaraf etilib, “yangi fatvo” chiqquniga qadar amalda boʻladi. Avvalroq Dogʻiston muftiyati niqobni butunlay taqiqlash uchun etarlicha islomiy asoslar topa olmaganini eʻʻlon qilgan, biroq anʻʻanaviy liboslarni kiyishni “mahalliy darajada taqiqlash”ga ruxsat bergandi.

Volgaboʻyi musulmonlari diniy boshqarmasi boshligʻi, muftiy Muqaddas-Hazrat Bibarsov Dogʻiston muftiyatining niqobni “vaqtinchalik” taqiqlash toʻgʻrisidagi fatvosini tanqid qildi. “Dogʻiston muftiyati mamlakatdagi diniy vaziyatni chayqatayotganlarning yoʻl-yoʻrigʻiga ergashgani juda achinarli...” deb yozdi u.

Dogʻiston muftiyatida fatvolar boʻlimi qaytadan tashkil etilishi maʻʻlum qilindi. Ushbu boʻlim shariatga koʻra niqobni taqiqlash uchun asoslar topilmaganini eʻʻlon qilganidan soʻng "zamon talablariga mos kelmagani" uchun yopilgan edi.

Ukraina uchuvchisiz uchoqlari urush boshlanganidan beri birinchi marta Dogʻiston hududiga hujum qilib, Kaspiyskdagi bir qator harbiy nishonlarga zarba berdi. Hujum Maxachqalʻʻa aeroportida uch reysning kechiktirilishiga sabab boʻldi. Qurbonlar haqida maʻʻlumot yoʻq.