Ramazonda spirtli ichimliklar savdosi taqiqlandi. Faqat Dogʻistonda

Muborak Ramazon oyi davomida Dogʻiston hududida alkogolь mahsulotlarining chakana savdosi toʻliq taqiqlandi. Bu haqda mahalliy nashrlar xabar berdi.

Mazkur taqiqni buzganlarga nisbatan Rossiya qonunchiligiga muvofiq jiddiy choralar koʻriladi. Jazo qoidabuzarning maqomiga qarab turlicha boʻladi: mansabdor shaxslar uchun 5 mingdan 10 ming rublgacha, yuridik shaxslar uchun esa 50ming dan 100 ming rublgacha jarima belgilangan.

Oldinroq Qozogʻistonning 3 ta viloyati aholisi ham alkogolь mahsulotlardan voz kechgan edi. Natijada ushbu hududlarda jinoyatchilik darajasi keskin kamaygani aytilgan edi.

Eslatib oʻtamiz, mast qiluvchi ichimliklar inson salomatligiga ham yomon taъsir qiladi. Bejizga Alloh Taolo uni bandalari uchun harom qilmagan.