Volgaboʻyi musulmonlari etakchisi Dogʻiston fatvosini «tushunmadi»
Volgaboʻyi musulmonlari diniy boshqarmasi boshligʻi, muftiy Muqaddas-Hazrat Bibarsov Dogʻiston muftiyatining niqobni “vaqtinchalik” taqiqlash toʻgʻrisidagi fatvosini tanqid qildi. “Dogʻiston muftiyati mamlakatdagi diniy vaziyatni chayqatayotganlarning yoʻl-yoʻrigʻiga ergashgani juda achinarli...” deb yozdi u.
Volgaboʻyi
musulmonlari diniy boshqarmasi boshligʻi, muftiy Muqaddas-hazrat Bibarsov Dogʻiston
muftiyatining niqobni vaqtinchalik taqiqlovchi fatvosini tanqid qilib, sodir
boʻlayotgan voqealarni “musulmonlar mavzusini qoʻzgʻatish va silkitish” deb atadi.
“Dogʻiston
muftiyati mamlakatdagi diniy vaziyatni chayqatayotganlarning yoʻl-yoʻrigʻiga ergashgani
juda achinarli...” deb yozadi Rossiya islom ruhoniylari vakili.
“Dogʻiston
muftiyatining bayonotini tushunmadim... Mamlakat uchun shunday ogʻir bir paytda niqob
masalasini koʻtarish qanchalik maqsadga muvofiq? – degan savolni oʻrtaga tashladi Volgaboʻyi
Musulmonlar diniy boshqarmasi rahbari. – Musulmon mavzusi qoʻzgʻatilayotgani,
silkitilayotganini koʻryapmiz. Bu kimga kerak?”
Bibarsovning
taʻʻkidlashicha, 146 million Rossiya fuqarolari orasida niqob kiyganlar juda ozchilikni
tashkil etadi: “Bizda eng muhim muammo shumi, 146 milliondan bir necha yuz yoki
hatto bir necha ming kishining yuzini qoplaydigan kiyim elementini taqiqlash shartmi?”
May oyi
oxirida Tatariston muftiysi Komil Samigullin ham xuddi shunday fikrni bildirib,
niqoblar haqidagi muhokamani «ahamiyatsiz» va kiyimning anʻʻanaviy elementini
taqiqlash istagini “islomofobik hujum” deb atagan edi. Samigullinning
taʻʻkidlashicha, taqiq radikalizmga qarshi kurashda "hech qanday yordam
bermaydi", lekin "bu Rossiyaga qarshi axborot urushini kuchaytirish uchun
sabab boʻlishi mumkin".
Avvalroq, dushanba kuni Dogʻiston muftiysi Ahmad Abdullaev
niqobni vaqtinchalik taqiqlash
boʻyicha fatvo chiqarilishini
eʻʻlon qilib, "ayollarni
uyda oʻtirishga"
chaqirgan, chorshanba kuni esa Shimoliy Kavkaz respublikasi diniy boshqarmasi niqobni vaqtinchalik taqiq boʻyicha fatvo
berdi.
.png)
Mavzuga aloqador
-
Davlat Dumasi deputatlari yaqin orada yuzni berkituvchi kiyim, jumladan, niqobni taqiqlash borasidagi qonun loyihasiga ovoz berishadi. Deputatlarning fikricha, niqob taqish jamoat joylarida kuzatuv kameralaridan odamning yuzini aniqlashni qiyinlashtiradi.
-
Dogʻiston muftiyatining fatvo boʻlimi niqobni vaqtinchalik taqiqlash boʻyicha fatvo chiqardi. Unga koʻra, taqiq respublika aholisi xavfsizligiga tahdidlar mavjudligi sabab qilib koʻrsatildi va mazkur xavf-xatarlar bartaraf etilib, “yangi fatvo” chiqquniga qadar amalda boʻladi. Avvalroq Dogʻiston muftiyati niqobni butunlay taqiqlash uchun etarlicha islomiy asoslar topa olmaganini eʻʻlon qilgan, biroq anʻʻanaviy liboslarni kiyishni “mahalliy darajada taqiqlash”ga ruxsat bergandi.
