Isroilning asosiy koʻmir etkazib beruvchisi hisoblangan Kolumbiya yahudiy davlatiga qarshi savdo boykotiga qoʻshilishga qaror qildi. Kolumbiyaning ushbu qarori Isroilga elektr energiyasi narxining koʻtarilishiga sababchi boʻlishi mumkin. Ayni vaqtda, Rossiya, Isroilni Xalqaro sudga bergan Janubiy Afrika Respublikasi va Qozogʻiston Kolumbiya koʻmiri oʻrnini qoplashga rozilik bildirgan.

Boykot qilingan brendlar roʻyxatida birinchi oʻrinda turuvchi Unilever Algida brendi Google xizmatida reklama qilish orqali oʻzini "Turk muzqaymoq brendi" sifatida koʻrsatishni boshlagani aniqlandi.

Dunyoning koʻzga koʻringan ulamolari kelishgan holda Isroil va Amerika tovarlarini boykot qilish vojibligi toʻgʻrisida fatvo berdi. Fatvoda, jumladan, shunday deyiladi: Amerika mahsulotlarini sotib olish orqali uning rivojiga hissa qoʻshish ham Isroil mahsulotlarini sotib olish kabi taqiqlanadi. Bugun Amerika ikkinchi Isroildir! Agar AQShning sionistik tashkilotlarni toʻliq qoʻllab-quvvatlashi va tarafkashligi boʻlmaganida, Isroil mintaqada tajovuzni davom ettira olmagan boʻlardi. Amerikaning mablagʻi, qudrati va «veto»si koʻmagida Isroil xohlagan ishini qilmoqda. Muqobili boʻlaturib, Isroil yoki Amerika mahsuotlarini sotib oladigan har bir musulmon harom ishga, ochiq-oydin gunohga qoʻl urgan, Alloh huzurida baxtsizlik, odamlar orasida esa sharmandalilik yukini zimmasiga olgan boʻladi.

Janubiy Koreyaning Samsung kompaniyasi Isroilning Gʻazo sektoriga hujumlari va foyda marjasi tushib ketgani sababli mamlakatdagi 70 ta startap loyihasini toʻxtatish hamda ushbu bozorni tark etishga qaror qildi.

Turkiyaning Antaliya shahri Isroilning Bat Yam shahri bilan qardoshlik aloqalarini bekor qildi. Avvalroq Adana shahri Beer Sheva bilan qardoshlikni uzgan edi.

Yaqin Sharqdagi Starbucks huquqlariga ega boʻlgan AlShaya Group Fors koʻrfazi giganti Gʻazodagi urush bilan bogʻliq isteʻʻmolchi boykotidan aziyat chekayotgani sababli 2000 dan ortiq ish oʻrinlarini qisqartirishni rejalashtirmoqda.

Isroilning falastinliklarni qirgʻin qilishini qoʻllab‑quvvatlaganlikda ayblanib, boytotga uchragan McDonald's oʻtgan chorakda soʻnggi toʻrt yil ichida birinchi marta savdo maqsadlariga erishmaganini maʻʻlum qildi. "Urush davom etar ekan, bu bozorlarda tiklanishni kutmaymiz", dedi McDonald's bosh direktori Kris Kempchinski.

McDonald's Malaysia boykot tashkilotchilarini sudga berdi.

Starbucks boykotlarga munosabat bildirar ekan, "Bizning pozitsiyamiz aniq. Biz insoniyat bilan birgamiz", dedi.