Qirgʻizistonda Isroilni dastaklayotgan kompaniyalarga qarshi norozilik namoyishi uyushtirganlar qoʻlga olindi
Videodan lavha
Qirgʻiziston poytaxti Bishkek shahridagi savdo markazida Isroilni qoʻllab-quvvatlayotgan kompaniyalarga qarshi norozilik namoyishi oʻtkazgan 29 kishi qoʻlga olingani aytilmoqda. Ular “boykot” chaqirigʻi yozilgan yozuvlarni koʻtarib, yoʻlak va zinalarga qizil boʻyoq toʻkkan.
Qirgʻiziston
politsiyasi poytaxt Bishkekdagi savdo markazlarining birida Isroilni
qoʻllab-quvvatlayotgan kompaniyalarga qarshi norozilik namoyishi oʻtkazgan shaxslar
qoʻlga olinganini maʻʻlum qildi.
“Kabar”
nashrining xabar
qilishicha, 18-19 oktyabrʻ kunlari Bishkek shahridagi savdo markazlaridan birida
osiyo millatiga mansub nomaʻʻlum shaxslar jamoat joylarida xulq-atvor qoidalarini
qoʻpol ravishda buzgan holda «Boykot» plakatlarini koʻtarib yurgan va xavfsizlik
xizmati xodimlarining talablariga boʻysunmasdan tartibsizlik keltirib chiqargan.
Ular oʻz
harakatlarini videoga olib, ijtimoiy tarmoqlarda eʻʻlon qilishgan.
Mazkur holat
yuzasidan Bishkek shahar Sverdlovsk tumani IIB Tergov xizmati tomonidan jinoyat ishi
qoʻzgʻatilib, tergov harakatlari olib borilmoqda.