Sibirni “oʻzbeklarning tarixiy vatani” degan deputat partiyadan chiqarildi

Rossiyada Xanti-Mansiysk okrugi dumasi deputati Xolid Tagi-Zade «Sibir – oʻzbeklarning tarixiy vatani» degan bayonoti ortidan Kommunistik partiyadan chiqarildi. Bu haqda mahalliy ommaviy axborot vositalari xabar bermoqda.

Xabarlarga koʻra, Tagi-Zade mazkur fikrni joriy yil may oyida oʻzining shaxsiy ijtimoiy tarmoq sahifasida eъlon qilgan. Uning soʻzlariga koʻra, «Sibir azaldan turkiy xalqlar, jumladan, oʻzbeklar yashagan hudud hisoblanadi» va bu erni «oʻzbeklarning tarixiy yurti» deb atagan.

Rossiya Kommunistik partiyasining Xanti-Mansiysk boʻlimidan berilgan rasmiy bayonotda aytilishicha, deputatning bu fikrlari partiyaning tarixiy voqelikka boʻlgan yondashuvi va siyosiy pozitsiyasiga zid boʻlgan. Shu sababli Xolid Tagi-Zadening partiya aъzoligi bekor qilingan.

Partiya bayonotida shunday deyiladi:
“Kommunistik partiya Rossiya Federatsiyasida milliy va tarixiy birlikni himoya qiladi. Xalqaro va milliy munosabatlar boʻyicha bunday provokatsion bayonotlar partiya maqsadlari va gʻoyalariga zid hisoblanadi.”

Tagi-Zadening oʻzi esa hozircha vaziyatga rasmiy munosabat bildirmagan. Ammo unga yaqin manbalar deputat oʻz bayonotida hech qanday adovat yoki siyosiy daъvo yoʻqligini, balki tarixiy haqiqatni ifoda etganini taъkidlamoqda.

Mavzu Rossiya jamoatchiligi va turkiy mamlakatlar ommaviy axborot vositalarida ham qizgʻin muhokamalarga sabab boʻldi. Xususan, oʻzbek foydalanuvchilari orasida deputatga nisbatan ijobiy fikrlar ham, ehtiyotkorona munosabat ham kuzatilmoqda.

Bu voqea Rossiyadagi siyosatchilar soʻz erkinligi va milliy masalalarga munosabati borasidagi tortishuvlarni yana bir bor kun tartibiga olib chiqdi.