Gollandiya matbuoti 2008 yilda gollandiyalik 36 yoshli Erik van Sabben qanday qilib AQSh va Isroilning Eron yadro dasturiga uyushtirgan sabotaji ishtirokchisiga aylangani boʻyicha surishtiruv oʻtkazdi. Jurnalistik surishtiruvda Erik van Sabbenning maxsus dasturiy taʻʻminotga mashhur Stuxnet virusini kiritib, Eron yadro dasturiga juda katta zarar etkazgani, biroq oradan koʻp oʻtmay avtoavariyada halok boʻlganini aniqladi.
AQSh prezidenti Jo Baydenning Yamandagi husiylar harbiy obʻʻektlarini nishonga olishga ruxsat bergani Demokratik partiya aʻʻzolarining tanqidlariga sabab boʻldi. U “Kongress roziligisiz Yamanga havo hujumlari uyushtirish” orqali AQSh Konstitutsiyasining 1-moddasini buzganlikda ayblanmoqda.
Rossiya prezidenti Vladimir Putin prokuratura organlari xodimlariga mamlakatda jinoyatchilik va ekstemizmga qarshi kurashishni kuchaytirishni topshirdi. “Jinoyatchilik va ekstremizm, korruptsiya va byudjet mablagʻlarini notoʻgʻri ishlatishga qarshi kurashda saʻʻy-harakatlarni kuchaytirish kerak. Aksilrossiya sanktsiyalari sharoitida inqirozga qarshi choralar doirasida iqtisodiy sohadagi qonunchilikka rioya etilishini nazorat qilishga alohida eʻʻtibor qaratish lozim”, — dedi Putin.
Save the Children xalqaro tashkiloti 2023 yil 7 oktyabrdan buyon Gʻazodagi 1,1 mln voyaga etmagan bolalarning 1 foizi - 10 ming nafardan ziyodi Isroil hujumlari oqibatida halok boʻlganini maʻʻlum qildi. Tashkilot qirgʻinlardan omon qolgan bolalar ham taʻʻriflab boʻlmas dahshatlarga dch kelayotgani, tanalari va ruhiyatlarida butun umrlik jarohatlar olayotganini bildirdi.
Isroillik yozuvchi va siyosatchi Avi Lipkin Makka, Madina va Sinay togʻi bosib olinganidan soʻng Isroil chegaralari Livandan Saudiya Arabistonigacha choʻzilishini aytdi.
AQSh va Buyuk Britaniya jangovar samolyotlar va “Tomagavk” raketalari yordamida Yamandagi “ Ansorulloh” (husiylar” harakatining kamida 12 nishoniga zarba berdi. Oʻz navbatida, husiylar dushman kema va harbiy inshootlariga javob zarbalari berganini maʻʻlum qildi. Qurbonlar va vayronagarchiliklar haqida hozircha maʻʻlumot yoʻq.
Isroil bosh vaziri Benʻyamin Netanyaxu 7 oktyabrʻdan soʻng Isroilga kirishi taqiqlangan Gʻarbiy Sohildagi falastinliklarga ishsizlik nafaqasini toʻlashni soʻrab BAAga murojaat qildi. BAA rahbari esa unga pulni Zelenskiydan soʻrashni tavsiya qildi.
Isroil Gʻazodagi nasroniylarning mavjudligiga genotsidning bir qismi sifatida barham berayotgan ekan, Gʻarb etakchilari buni eʻʻtiborsiz qoldirmoqda.
BMT Xalqaro sudida Isroilning falastin xalqiga nisbatan qatliomi boʻyicha JAR daʻʻvosini koʻrib chiqish boshlandi. Sud majlislarida Xalqaro sud raisi Joan Donoxue, JARlik sudʻya Diggang Ernest Mosenek, isroillik sudʻya Aaron Barak ishtirok etadi.
BMT Xavfsizlik Kengashi husiylarning Qizil dengizdagi hujumlarini zudlik bilan toʻxtatishni talab qiluvchi rezolyutsiya loyihasini qabul qildi.