Isroil bosqinchi armiyasi vakili kontr-admiral Daniel Xagariy kecha Gʻazo sektori markazida, chegaradagi Kissufim aholi punkti yaqinida 21 bosqinchining oʻlganini tan oldi. Bundan tashqari, Isroil samolyoti oʻz tankini ichidagilari bilan birga portlatib yubordi.
Eronda 2022 yilda 22 yoshli Mahsa Amini politsiya boʻlimida oʻldirilgani ortidan mamlakatni qamrab olgan namoyishlar ishtirokchisiga nisbatan oʻlim jazosi ijro etildi. 24 yoshli Muhammad Qubadlu Tehronda bir kishining oʻlimi va besh nafar huquq-tartibot organi xodimini jarohatlaganlikda aybdor deb topildi.
Hindistonda hozirgi bosh vazir Narendra Modining ham ishtirokida hindu radikallari tomonidan buzib tashlangan qadimgi Babri masjidi oʻrnida qurilgan Ram Mandir hindu ibodatxonasining ochilishi mahalliy musulmonlarda gʻazab uygʻotdi.
Isroilning Haaretz gazetasi Tel-Aviv sharqida joylashgan Petax-Tikva shahridagi Itsxak Shamir oʻrta maktabida tarix fanidan dars bergan Meir Baruchin ijtimoiy tarmoqlarda Isroilning Gʻazo va Gʻarbiy Sohildagi harakatlarini qoralagani sababli oʻz oʻquvchilari hamda mamlakat hukumati tomonidan bosimga uchraganini maʻʻlum qildi. U avval ishdan boʻshatilib, soʻng 15 sutkaga uy qamogʻiga mahkum qilingan. Oʻquvchilari esa uni haqoratlab, saratonga chalinishini tilagan.
HAMAS tomonidan asirga olingan isroilliklarning yaqinlari Isroil parlamenti – Knessetga bostirib kirib, deputatlardan Gʻazodagi mahbuslar ozod etilishi uchun koʻproq choralar koʻrilishini talab qilishdi.
Amerika harbiylari Aden koʻrfazida sirli sharoitda halok boʻlgan harbiy dengiz kuchlari askarlari oʻlim tafsilotlarini aniqlashga harakat qilmoqda. Ular Erondan qurol tashilayotgani taxmin qilingan kemani tekshirishga yuborilgan edi.
Makka mintaqasidagi eng yirik va Saudiya Qirolligidagi eng qadimgi bogʻlardan biri – “Saisad Taif”da choʻllanishga qarshi 150 ming tup daraxt ekildi. Koʻkalamzorlashtirish tadbirlari Saudiya Yashil tashabbusi maqsadlaridan biri boʻlgan 10 mlrd daraxt ekish milliy dasturining bir qismi hisoblanadi.
Afgʻoniston hududida Gaya (Hindiston) – Toshkent (Oʻzbekiston) – Jukovskiy (Rossiya) yoʻnalishi boʻyicha uchgan charter tez yordam reysi halokatga uchradi. Bortidagi 6 kishining halok boʻlgani aytilmoqda.
Pokiston va Eron bir-birlarining hududlaridagi “terroristlar obʻʻektlari”ga havo hujumlarini uyushtirganidan soʻng vaziyatni yumshatish va yarashib olishga qaror qildi. Har ikki tomondan 11 tinch aholi vakili, jumladan, 3 ayol va 6 bola halok boʻlgani bildirildi...
Rossiya Mudofaa vazirligi 13 yanvardan 19 yanvargacha RF Qurolli Kuchlari Ukraina harbiy-sanoat kompleksi korxonalariga yuqori aniqlikdagi qurollar, shu jumladan “Kinjal” tizimlari bilan 17 ta guruh zarbalari berilganini maʻʻlum qildi.