Британия Ғазодаги қатлиом сабаб Исроилга қурол сотишни кескин камайтирди
Ғазодаги қатлиомдан сўнг Буюк Британия Исроилга қурол сотишни кескин камайтирди. Бу ҳақда "Reuters" ахборот агентлиги ўз манбаларига таяниб, хабар берди.
Қайд этилишича, қурол экспорти бўйича берилган рухсатномаларнинг сони урушдан олдинги кўрсаткичга нисбатан 95 фоизга тушган.
Шунга қарамай ташқи сиёсатда ўзининг айёрона ҳаракатлари билан машҳур бўлган қироллик Ғазо секторида қирғинбарот уруш бошланганидан бери сионистларга 100 дан ортиқ қурол экспорти лицензиясини тасдиқлаган.
Шу сабаб жорий йилнинг апрель ойида 600 дан ортиқ ҳуқуқшунос ҳукуматни Фаластиндаги геноциднинг олдини олишга чақирган.
Маълумотларга кўра, Буюк Британия томонидан тасдиқланган лицензияларнинг қиймати 2023 йил 7 октябрдан 31 декабрга қадар 1,09 миллион долларни ташкил этган. Қироллик сионистларга 2022 йилнинг шу даврида 20 миллион долларлик ва 2017 йилда 235 миллион долларлик қурол-яроғ сотган.
АҚШдан фарқли ўлароқ, Британия ҳукумати қуролларни тўғридан-тўғри Исроилга тутқазмайди, балки компанияларга қурол сотиш учун тегишли рухсатномаларни беради. Ҳуқуқшунослар эса уларнинг халқаро қонунларга мос келишини текширади.
Айни дамда Буюк Британияда Ҳуқуқий фаолият глобал тармоғи ва Фаластиннинг "Ал-Ҳаққ" инсон ҳуқуқлари ташкилоти ташаббуси иштирокида яҳудий давлатига қурол сотиш бўйича суд текшируви давом этмоқда.
.png)
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
