Қатар Ташқи ишлар вазирлиги Исроил ва ҲАМАС ўртасида имзоланган келишув доирасида Ғазо секторига дори-дармон ва гуманитар ёрдам етказиб бериш бошланганини эълон қилди. ҲАМАС аввалроқ исроиллик маҳбусларга дори-дармон ва гуманитар ёрдам фақатгина Ғазодаги бошқа мусулмонлар учун ҳам киритилганда рухсат берилишини маълум қилган эди.

Иордания ҳарбий-ҳаво кучлари самолётлари парашютларда Ғазо секторидаги касалхоналар учун гуманитар ёрдам юкларини ташлади. Ёрдам гуманитар юк ва озиқ-овқат ёрдами, жумладан, озиқавий қиймати юқори бўлган тайёр таомларни ўз ичига олган.

Исроил ҳукумати Ғазо секторига гуманитар ёрдам олиб кетаётган 277 юк машинасига рухсат берди.

Ғазода самолётдан ташланган гуманитар ёрдам пакетлари парашютлари очилмагани сабабли бир озиқ-овқат кутаётган бир қанча фаластинлик ҳалок бўлди. Қурбонлар сонига аниқлик киритилгани йўқ.

Ижтимоий тармоқларда АҚШ Ғазо секторига ташлаган гуманитар ёрдамда муддати ўтган ва таркибида чўчқа гўшти бўлган армия паёги акс этган видео пайдо бўлди. Аввалроқ АҚШ ҳаводан ташлаган гуманитар юклар парашюти очилмасдан, фаластинликлар устига тушган, натижада камида 5 киши ҳалок бўлган эди.

Сурияда фуқаролик уруши бошланганига 13 йил тўлди. Бу муддат давомида 306 мингдан зиёд суриялик ҳалок бўлди, 5 млн дан ортиқ киши қўшни давлатлардан бошпана топди, 7 млн киши эса ички қочқинга айланди. Айни пайтда 16,7 млн киши гуманитар ёрдамга муҳтож.

Исроил армиясининг Ғазо сектори шимолида навбатда турган гуманитар ёрдам олиш учун кутаётган фаластинликларга бугунгача уюштирган зарбалари натижасида жами 560 киши ҳалок бўлди, 1523 киши тан жароҳати олди.