Айни пайтда америкаликлар қийин танлов қаршисида туришибди. Сайлов жараёнида кўпчилик мусулмонлар “икки ёмондан бири”ни танлашга мажбур бўлишяпти. Баъзи фаоллар сайловчиларни Ғазодаги геноцидни қўллаётгани учун икки номзод – республикачилардан Дональд Трамп ва унинг рақиби демократлардан Камала Харрисга овоз бермаслик, аксинча “Яшиллар” партияси номзодини қўллаб-қувватлашга чақиришяпти. Бугунги кунда инглиззабон мусулмон фаолларининг ижтимоий тармоқлардаги чиқишларида ушбу фикрни илгари сураётганларини кузатишимиз мумкин. Хўш, нима учун АҚШ аҳолисининг катта қисми республикачилар ва демократлар номзодга овоз беришни истамаяпти ва бошқаларни ҳам шунга ундамоқда?

АҚШнинг собиқ президенти Барак Обама Фаластинда давом этаётган можародан хавотирда бўлган мусулмонларга республикачи номзод Дональд Трампга ишонмасликни маслаҳат бериб, Трамп 2017 йилда мусулмон давлатларидан миграцияга қўйилган қатъий чекловларни эслатиб ўтди.

15 сентябрь, якшанба куни АҚШнинг Флорида штати Вест Палм-Бич шаҳридаги Дональд Трампнинг гольф клуби яқинида отишма юз берди. The New York Times газетасининг ёзишича, икки номаълум шахс собиқ президентга эмас, бир-бирига қарата ўт очган.

Филадельфияда АҚШ президентлигига асосий номзодлар Дональд Трамп ва Камала Харрис ўртасида биринчи дебат бўлиб ўтди. Харрис Трампни Американи «сотганликда» айблади, Трамп эса Харрис ғалаба қозонса, мамлакат иккинчи Венесуэлага айланишини башорат қилди. Дебат чоғида иқтисодиёт, ташқи сиёсат ва миллий хавфсизлик каби муҳим сиёсий масалалар атрофида кескин мунозара авж олди.

Республикачилар партиясидан АҚШ президентлигига номзод Дональд Трамп пайшанба куни антисемитизмга қарши кураш бўйича ўтказилган тадбирда нутқ сўзлади. Трамп ўз нутқи давомида Фаластин тарафдори намойишчиларни «каллакесарлар» деб атади, яҳудийга турмушга чиққан Камала Харрисни “Исроил ва яҳудийларни йўқ қилмоқчи бўлган кучлар номзоди” деди ва Исроил ҳудудининг кенгайиши ҳақида ўйлашини маълум қилди.

The Trump Organization Саудия Арабистонининг Dar Global қурилиш компанияси билан Дубайда (БАА) осмонўпар бино қуриш бўйича келишувни имзолади. Trump Tower Dubai деб номланадиган мазкур бинода Trump меҳмонхонаси ва турар-жой мажмуаси ҳам ўрин олади.

CNN АҚШ ҳукумати Эрон Дональд Трампга суиқасд уюштирмоқчилиги ҳақидаги разведка маълумотлари олгани, шу боисдан Махсус хизмат собиқ президент атрофида хавфсизлик чораларини кучайтирганини маълум қилди. Бироқ бундай чоралар ўз самарасини бермади, шу билан бирга, манбалар 20 ёшли йигитнинг фитнага алоқадорлиги ҳақида ҳеч қандай маълумот берилмаган.

АҚШнинг собиқ президенти Дональд Трампга суиқасд уюштирилганидан сўнг ўта ўнгчи онлайн ҳамжамиятларда зўравонлик ва фуқаролар урушига чақирувлар кескин кўпайгани айтилмоқда. Айрим Трамп тарафдорлари ҳатто "барча демократлар ва демократ бўлишни ўйлайдиганларни ҳам йўқ қилиб ташлаш"га чақирмоқда.

Пенсилвания штатининг Бутлер шаҳрида сайловолди ташвиқоти вақтида АҚШнинг собиқ президенти Дональд Трампга ўқ узилди. Ҳодиса вақтида бир киши ҳалок бўлди, икки киши яраланди. Хавфсизлик кучлари ҳужумчини отиб ташлади. АҚШ президенти Жо Байден ва мамлакатнинг бир қанча собиқ раҳбарлари сиёсий зўравонликни кескин қоралади ва отишма содир бўлишига йўл қўйиб берган махфий хизматларга қарши кўплаб саволлар туғилди – ҳодиса тафсилотлари.

Ҳакамлар ҳайъати АҚШнинг собиқ президенти Доналд Трампни тўловларни сохталаштириш бўйича 34 та бандда айбдор деб топди. У тўрт йилгача қамоқ жазосига ҳукм қилиниши мумкин. Трамп АҚШнинг жиноятда айбланган илк собиқ президенти бўлди.