1993 йил 23 августдан 2020 йил 9 ноябргача арманлар ишғоли остида бўлган Озарбайжоннинг Фузулий шаҳрига 138 кишидан иборат яна 35 та оила қайтмоқда. Шундай қилиб, қайта тикланган ва янги уй-жойлар барпо этилган ушбу шаҳарга қайтган оилалар сони 666 тадан ошди. Уларнинг фарзандлари Ўзбекистон томонидан қуриб берилган мактабда ҳам таҳсил олишади.
31 март – якшанба куни Туркияда маҳаллий ҳокимият органларига сайловлар бўлиб ўтади. Яъни фуқаролар ҳоким ва маҳалла оқсоқолларини сайлашади. Туркия президенти ҳузуридаги Коммуникация бошқармаси бошлиғи, профессор Фаҳреттин Алтун Туркияда бўлиб ўтадиган сайловларнинг ўзига хос жиҳатлари, фуқароларнинг сайлов жараёнларига ишончи қандай таъминланиши, ушбу сайловлар натижаларининг халқаро аҳамияти ва бошқалар тўғрисидаги мулоҳазалари билан ўртоқлашди.
Франция разведкаси Марказий Осиё давлатлари фуқаролари устидан назоратни кучайтирди. Москвада содир этилган теракдан сўнг мамлакатда марказий осиёликларнинг “катта тўпланишлари” қайд этилган. Шу сабабли француз разведкаси ўз эътиборини Туркманистон, Қирғизистон ва Қозоғистон фуқароларига ёппасига қаратишга қарор қилди.
Шинжон-Уйғур автоном райони Халқ ҳукумати раиси Эркин Тунияз Ўзбекистонга ташриф буюриб, президент Шавкат Мирзиёев ва бош вазир Абдулла Арипов билан учрашди. Учрашувларда Ўзбекистон ва Хитой ўртасидаги савдонинг 10 фоизи ШУАР ҳиссасига тўғри келиши, ушбу ҳудуд билан ҳамкорликдаги инвестиция лойиҳалари портфели 3,5 млрд долларни ташкил этиши маълум қилинди.
Туркия АҚШ Мудофаа вазирлигига М107 гаубицалари учун 116 минг дона 155 мм снаряд етказиб беради. Ушбу снарядлар Вашингтон томонидан Украинага етказиб берилган снарядлар ўрнини эгаллаши керак.
Бельгияда PKK тарафдорлари Туркия фуқаролари, турк мавзелар, масжид, маданият марказлари ва бошқа муассасаларига ҳужум уюштирди. Германияда эса Туркия Бош консулхонаси биносига босқин содир этилди. Франциядаги аэропортда PKK аъзоси Фираз Коркмазнинг Туркияга экстрадициясига қарши гуруҳ тартибсизлик уюштирди. Жароҳатланганлар бор.
Қозоғистон АҚШнинг энергетика компаниялари билан 2032 йилгача уран етказиб бериш бўйича шартномалар тузди. Маълумотларга кўра, Қозоғистон жаҳон уран захираларининг 12 фоизига эга ва 2022 йилда 21 минг тоннага яқин уран ишлаб чиқарган, бу ўша йили жаҳон миқёсидаги ишлаб чиқаришнинг 43 фоизини ташкил этган.
Январь-февраль ойларида Ўзбекистон ташқи савдо айланмаси ўтган йилнинг шу даврига нисбатан қарийб 1 млрд долларга ёки 10,5 фоизга ўсиб, 9,92 млрд долларни ташкил этди. Туркия, Қозоғистон ва Қирғизистон билан савдо айланмаси ҳажми қисқарди. Покистон биринчи марта Ўзбекистон мева-сабзавотларининг асосий бозорига айланди.
“Крокус Сити Холл”да содир бўлган терактдан сўнг Россияда Марказий Осиё давлатлари билан визасиз режимни бекор қилишга чақириқлар янграмоқда. Ушбу таклифлар ижтимоий тармоқлардан давлат даражасига кўтарилган. Экспертлар - визасиз режимнинг бекор қилиниши эҳтимоллари ва оқибатлари тўғрисида.
Ўзбекистоннинг Истанбулдаги Бош консулхонаси январь-февраль ойларида 163 нафар Ўзбекистон фуқароси Туркияга киритилмагани, уларнинг 54 нафари муқаддам Туркияга келиб, қонунбузарлик содир этиб киришига тақиқ қўйилганлар эканини маълум қилди. Шунингдек, Туркия ҳуқуқ-тартибот идоралари ходимлари ўзбекистонликларга қўпол муомалада бўлаётгани ҳақидаги шикоятлар ҳам келиб тушаётгани айтилди.